قصة حياتى

هحكيلكم عن حياتى وهقول كل اللى جرالى
هقول فيها اهاتى وهشكى انا فيها حالى
قصة حياتى قصة غريبة الدمعة دايما منى قريبة
ماوفقتش مرة مع حبيبة دايما بنجرح
كل مرة بحب فيها ببقى فى عذاب انا بعديها
مفيش مرة بتكمل معايا قلبى عمره مافرح
عايش سنينى وحياتى كلها فى جراح وعذاب على طول
ماشوفتش يوم حلو منها انا اللى فيه مش معقول
اتمنيت كتير الموت فضلت ياما اعيش فى سكوت
ولما قولت باعلى صوت لكل واحدة انى بحبها
نلاقى نفسنا فى الاول بنحب بعض ونقول هنطول
كام شهر وكله بيتحول والاقى قدرى بعدها
ياقلبى كفايا بقى وارحمنى ماتحبش تانى وتعذبنى
اى حب ابعده عنى مابقاش الحب بيفرحنى
ياريتنى سمعت كلام الناس وماحبتش ولا عرفت الحب
كان من زمان دلوقتى خلاص تعبت من عذاب القلب
هى دى قصة حياتى هى دى ياناس دنيتى
ماعشتش فيها يوم فى حياتى الفرح عمره ماكان سكتى

يخرب بيتك وينعمهولك تانى ايه يابنى الخرافه ديه مفكرتش يا ميدو تنزل بأشعارك ديه وتتقدم بيها فى التلفزيون

يارب يخليك يامحمد على مرورك وبجد فكرت كتير لكن كل لما بروح لحد يقولى تبيع بكام ههههههههههههه فيأست بأمانة ان شاء الله لما اخلص السنة دى ف الدراسة هشوف لو فى مسابقات او برامج وردة

» اول رساله اعتذار ف حياتى لاجمل حاجه ف حياتى
» مسرح حياتى
» ممنوعة من دخول حياتى