ياريت حد يجاوبنى

اولا السلام عليكم ورحمة الله وبركاته ويارب تكونو بخير وصحتكم بخير يارب ثانيا انا عايز احكيلكم عن مشكلة ليا بتشاغلنى من فترة كبيرة بس كنت برجع انساها لكن اليومين اللى فاتو دول خوفت جدااااااااااااااااااا وكأن حاجة بتقولى حرام عليك اللى بتعمله ده

مشكلتى تتلخص بأنى بحب من النت وكتير منكم يعرفها طبعا وكتير منكم يعرف انا بحبها قد ايه ولما بتغيب عنى بتعذب قد ايه بس ياترى عذاب الدنيا اهون ولا عذاب يوم لقاء ربى؟؟؟؟؟؟؟؟
اكيد عذاب يوم لقاء ربى هو الاصعب بصراحة انا خايف ربــــــــــــــــــــــى جدا هقولكم ليه خايف اوى كده للاسباب الاتية: 1-كم من الوقت والساعات والليالى ضيعتها وانا قاعد ع النت بقول كلام حب وغرام وغزل واين حق ربى فى هذا
2-هل الحب حرام ام حلال كتير بيوهم نفسه ويقول انه عادى ومفيش حاجة خالص لكن الواقع انه حراااااااااااااااااااااااااااااااااااااااااااااااااااااااااام
3-هل ربى راضى عنى هل قعادى ع النت ده بيرضيه هل تشغيلى سونجات طول اليوم وهزارى مع البنات فى الروم يرضيه اه اخواتى وبعزهم وبحترمهم جدا زى اخواتى لكن هل الله سبحانه وتعالى راضى بهذا
4-هل حبى بالانسانة دى يرضى الله عز وجل هل سهرى معاها ليالى وليالى ع الشات يرضى الله بالتأكيد لااااااااااااااا
5- مذاكرتى اتدهورت بسبب النت مابقتش بذاكر وللعلم اخر سنة ليا فى الثانوية السنة دى وياريتنى كنت فى ثانوى عام انا فى ثانوى حربى لو حد كان فيها هيعرف هى صعبة قد ايه وقد ايه انا ضايع لان التيرم الاول مش ذاكرت فيها حاجة

كل ده بسبب النت لكن السبب الرئيسى فى بعادى عنه انى اخاف الله عز وجل انا عايز ردود حضراتكم ياريت تنصحونى اعمل ايه ياريت اشوف ارائكم

تحيالى للجميع

انا سايبك امبارح كويس يا ميدو ايه اللى حصلك يا ابنى؟ انا وانت عرفين ان حبك عمروا ما اخرك عن ربك ولا عن مذاكرتك دا بالعكس اوى كمان دا بيخليك تهتم بمستقبلك اكتر علشان تحقق حلمك بسرعه ..... يا ريت يا ميدو بعد كدا تفكر انت هتقول ايه قبل ما تقوله

انا رايى زى شيفو ياميدو مع انى كنت موفقاك الصبح بس هقولك بعدين انا ليه غيرت رايي

مشرق

بص ياشريف انا بعد ماسبتكم وروحت بالليل قعدت مع نفسى وفكرت ولقيت ان ربنا ليه حق عليا ولو قولتلى وفق بين قعادك ع النت وبين حقك لربنا هقولك مش هعرف انا لما بقعد ع النت بنسى الدنيا باللى فيها وان شاء الله هاخد القرار والرأى المناسب فى الفترة الجاية

نو كومنت
انا مش هقول رأيى دلوقتى
انا منتظر ردود اكبر عدد من الناس عشان ارد بصراحة
وماحدش يسألنى ايه المغزى من كدا
كن مستمع جيد قبل ان تكون متحث لبق

اولا جميل جدا ان الانسان يفكر ازا كان مقصر فى حق ربة او لا والاجمل انة يفكر يستغنى عن حاجة بيحبها اذا كان فى سبيل ارضاء ربنا بس انا عايزة اقولك حاجة مين فينا مبيحبش ؟؟؟ ومين فينا بسبب حبة مقصرش نص او ربع تقصير فى اى حاجة مش ربنا فقط ؟؟؟ بس بردو فكر فيها لو كان الحب حرام زى مابتقول ماكانش هيبقى فية حياة طب ماسيدنا محمد علية افضل الصلاة والسلام تزوج اكثر من مرة واحب كل زوجاتة هل دة حرام ؟؟؟ هل امامنا والشخص الوحيد اللى كلنا بنتبعة كان بيعمل حاجة حرام ؟؟؟ اكيد الاجابة هتكون لا لولا الحب مكنتش هتلاقى اتنين فى الدنيا بينهم سلام ماكنتش هتشوف اسرة سعيدة ومكنتش هتشوف حاجات جميلة كتير اوى ربنا محرمش الحب ولا اى احساس جميل لان ربنا جميل يحب الجمال والحب اجمل احساس ممكن تقابلة وتحسة فى حياتك ولو انت جايب الغلط عالنت لا ؟؟؟؟ الغلط من عندك انت كل انسان فينا جواة ارادة ودوافع لما يصمم على حاجة ويبقى من جواة فعلا عايز يعملها بيعملها ولو قدامة كل عقبات الدنيا فكر وحاول توفق بين ربك اولا ودراستك ثانيا وحبك ثالثا سواء كان عالنت او غيرة لان النت ماهو اكثر من وسيلة اتصال ولو فكرت تحرمها فعليك تحريم كل وسائل الاتصال موبايل تليفون كمبيوتر خروجات فلو قدرت تستغنى عن كل الحااجات دى وفوق دة ودة حبيبتك يبقى انت فكرت صح ؟؟؟ قرب من ربك حب حبيبتك خاف على مستقبلك هتبقى اقوى انسان فى الدنيا واسفة طولت اوى عليكم باى بااااااااااااااى

بالنسبه لنا كمسلمين فإن الله قد اعطانا نعم ومميزات كثيره
فموضوع القرب من الله لك فيه ان تستغفر مهما بلغت الذنوب عنان السماء
وموضوع من أحببتها فيجب ان تكون علاقتك بيها بمقصد زواج والا فاإتركها وحرام عليك تخليها معك دونما اي نيه للزواج
وموضوع المذاكره توكل على الله وإبدأ مذاكره ويجب ن لاتنسى قول النبي صلى الله عليه وسلم
(لو أنكم تتوكلون على الله حق توكله لخرجتم كما تخرج الطير تغدو خماصاً وتعود بطانا)
اي تخرج فارغه البطون وتعود بها ممتلئه
فيجب ان تذاكر بجديه وانت متوكل على الله جل وعلا فهو الوحيد القادر على ان يرزقك النجاح دون غيره
ودون اللجوء الى الله فلا تتوقع نجاح (فكيف تطلب من الله دون ان تعطيه حقه عليك وهو العباده
وانظر الى قول الامام الشافعي
شكوت الى وكيع سوء حفظي ..........فأرشدني الى ترك المعاصي
وأخبرني بأن العلم نور .............ونور الله لا يهدى لعاصي
ثم وما هو أهم من كل ذلك
أن تلجأ إلى الله باللأستخاره
وإنظر الى قول الامام النووي لمنجم يهودي شهير
(أنت تخاف زحل وأنا أخاف رب زحل ، أنت ترجو المشترى وأنا أرجو رب المشترى ،أنت تغدو بالأستشاره وأنا أغدو بالأستخاره ........فكم بيننا)فهذا ما توصلت اليه من حلول
أتمنى ان يصل اليك ما كنت تتمناه
:::::::::::
[/size]أختك \\\\بنت الراعي

بجد انا مش لاقى كلاااااااام اقوله بعد رانياااااااااااااااااااااااااااااااااا
وبنت الرااااااااااااااعي بجد مش لاقى بسم الله ما شاء الله عليهم جابو المفيد

بجد يا ميدو انت انسان كويس عشان بتفكر بالطريقه دى فى اكبر منك ومش بيفكرو فى حرام ولا حلال انت لسه مستقبلك قدامك دراستك وشغلك ركز فيهم ووفر كل مشاعر الحب للانسانه اللى هتخطبها وتشاركك حياتك ولما تخلص دراستك وتشتغل خليك واثق ان ربنا هيحققلك كل اللى انت بتتمناه وتلاقى الانسانه اللى بتحلم بيها عشان انت رعيت ربنا من البدايه وياريت تعمل اللى يريح ضميرك

بتمنالك السعادة وربنا يوفقك

ميرسى جدا يابنت الراعى وياريرى و يامحمد و يارانيا على ردكم واتمنى ان باقى الاعضاء يردو

الصبر