مشكله تؤرقني

متزعليش ابدا من الموضوع دا لانى زيك والله وبحاول ادور على مواضيع مفيده وساعات كتير ملاقيش رد بس مش بزعل لانى تعبت علشان اجيبها فى المنتدى وواثقه ان لو حد اهتم وقراها حيستفيد
فمتزعليش ابداااااااااااااااا يا قمر المهم كفايه انك بتتعبى علشان تفيدينا يا جميل

بجد يابنت الراعى انتى انسانة جميلة وطيبة كتير ومواضيعك تحفة بجد وانا بستفاد منها جدا وماتزعليش لو محدش يرد كتير منهم يا اما بيكسل يرد او حد بيرد على ناس معينة ودى حاجة سلبية ف المنتدى لكن بالرغم في ناس بترد على اى حد ويارب يابنت الراعى تنوى المنتدى دايما انتى ودودو وكل الاعضاااااااااء

اخوكى / ميدو

اعتقد يا بنت الراعى انك عربية .... وملاحظة فى كل كلامك نقد للعرب وبالاخص العرب المصريين بس انا عايزة اقولك حاجة لو سلبيتنا اللى بتقولى عليها واللى انا اصلا مش شايفاها وشايفة عكسها وشايفة كل المنتدى فى تواصل وتلاحم وحب كمان موجودة فى المنتدى بس فاحنا بنحمد ربنا على دة لان فية غيرنا كتيييييييييييييير اوى دون زكر اسماء وتفاصيل (( والحدق يفهم )) سلبيتهم فى حياتهم الشخصية والعملية فلو جت على قد المنتدى تبقى الحمد لله بمعنى اصح

** قضى اخف من قضى **
وشكرا وياريت انتى كمان متزعليش من صراحتى ومن كلامى اللى ممكن قد يكون قاسى فى الرد عليكى شوية وفى الاول وفى الاخر كلنا اخوات مصريين عرب فلسطينيين كل الوطن العربى ...... ولا انتى عندك راى تانى ؟؟؟؟؟

اوكى انا معاك فى كل اللى انت قلتة بس انا عايزة اقولك حاجة احنا فى الاول مصرييين ... او عرب ياسيدى عشان مبقاش بخص حد معين بالكلام وبما اننا مصرييين فمينفعش اننا ننقد نفسنا ونفضل نقول العرب سلبيين وخصوصا المصريين اولا احنا عمرنا ماكنا جبناء طول عمر العرب والمصريين بالاخص اقوى واشجع شعب ودة بس اللى كنت عايزة اوضحة واعتقد ان الاختلاف فى الراى لا يفسد للود قضية .... والسلام ختام


** ranya eltonsy **

رانيا عندها حق ولو فى سلبيه ف كل حاجه فى الدنيا فيها سلبيات وايجابيات المهم اننا نحاول نصلح من اخطانا ومنكررهاش ونتعلم منها دايما ونحاول نكون ايجابيييى على قدر الامكان
واذا كان فى ناس مقله او كماله عدد على رايك يا محمد فاكيد هما لو عندهم حاجه كويسه مش حيتاخروا وبيحاولوا مش مهم مين اللى كتب الموضوع ولكن الاهم هوا مفيد لينا ولا لاء ........ بس

تمام يادودو هو دة الكلام الصح ... كويس انى اخيرا لقيت حد قال بصوت عالى انا مع كزا او برفض كويس كويس انى لقيت حد مش خايف او مكسوف يتكلم كويس انى بجد لقيت حد مش مجرد تابع لاى كلام صاحبة بيحاول يعمل انة كبير ومثقف وفاهم فى كل حاجة ياشيخا والله فرحتينى بردك وفى الاول وفى الاخر هقولها كلمة بعلو صوتى ......تحيا مصررررررر يابشر



** ranya eltonsy **

ميرسى يا راااااانى على كلامك الجميل دا انا بس حبيت اقول اللى انا بجد مؤمنه بيه مصر بجد جميله بس احنا اللى لو اتغيرنا للاحسن شويه حتبقى احلى بلد فى الدنيا كلها زى ما ربنا فضلها على البلدان كلها حتفضل كده ان شاء الله
وان شاء الله مع بعض حيكون مفيش غير ايجابيياااااااااااااات دايما ان شاء الله

لا يا محمد اوعى تزعل احنا بنتناقش وكلنا فى الاخر اخوات بنعبر عن راينا من خلال المنتدى دا اللى هوا ملكنا كلنا ولازم نحافظ عليه دايما ونقدمه بشكل جيد جدا لكل اللى بيزوره وانا مش منحازة لحد انا سمعت كلام راينا ولاقيته متفق مع وجهه نظرى وبس وقولت كمان راىى الشخصى فى الموضوع عموماااااا

على فكرة يادكتور انا كلامى مكنش موجة ليك نهائى وانا اتعلمت انى لما اكون عايزة اوجة كلام لحد بوجهولة مش بتكلم عالمستخبى لانى الحمد لله مبخافش غير من اللى خلقنى ولما بببقى واثقة ان انا صح مبتكسفش وقول للى غلط انت غلط لا الحق عمرة ميزعل وبعدين مش شرط ابدا اننا نكون فى حرب علشان نقول تحيا مصر يعنى منفتكرهاش غير لما تبقى على وشك الضياع من ايدينا ساعتها نقول تحيا مصر انا بقول تحيا مصر لان رغم مافيها من بعض الاراء الخاطئة وانا معاك ياسيدى فى دة بس فى الاول وفى الاخر بلدنا انت اسمك اية اسمك مصرى ومينفعش طول ماحنا ماشيين نفضل ننقد فيها ياراجل دة الرسول بيقول ... تفائلو خيرا ... مش نفضل نقول دى بلد سلبية ودى .. ودى ... ودى ....؟ متنساش انك فى يوم من الايام هتحتاجلها ثانيا مدام بقى البلد مش عاجبانا قدامنا حل ماللى الاتنين ياما نسيبها ومنقعدش فيها خالص بقى ويبقى كدة بجد قمة الجدعة والوطنية وحبنا لبلدنا او نقتدى بفيلم (( عايز حقى )) ونبيع .....(( مع احترامى للفيلم )) انت بقى تحب تعمل اية فيهم علشان منبقاش سلبيين .... ويارب ميكونش كلامى دايقك فى حاجة انا بس حبيت اقولك انى مقصدش من كلامى انت .. انت اخ عزيز واتعاملنا اكتر من مرة فى المنتدى وانا اعتز بيك وزى مابيقولو الاختلاف فى الراى لا يفسد للود قضية ..... والسلام ختام



** ranya eltonsy **

عنجد يارانيا
وبلا مجامله
انا لابد أن أغلق معك باب الحوار
صدقيني حبيبتي غدا ستكبرين وتفهمين بشكل أوضح أن هذا الذي تقوليه هو ما تمناه بنو صهيون أن تقوليه
ولو أن السافل اولمرت رأي كلماتك لصفق لك وبحراره
وأنصحك أن تصنعي قنبله ناسفه تفجري بها الشعب المسكين
أو تتطوعي مع بنو صهيون
لتقتلي هؤلاء الاوغاد الفلسطينيين
الذين أقتحمو أرضك بدون أذن حتى لايموتون
حقاً اوغاد كيف لايموتون في صمت دون أن يزعجو الشعب المصري المسكين
وكيف لايموتون بلا إزعاج (وتذكري من الذي باع فلسطين لليهود)0
أوليس رئسائنا العظماء
قد باعو ذلك البلد السيئ السمعه للأطهار اليهود حتى يطهرونه من رجس الاسلام
وياليت كل المصريين بالمنتدى (المتعاطفين مع اليهود)0
أن ينضمو لجيش اسرائيل ولا تخافو الانسه رانيا سوف تقوم بالمهمه على اكمل وجه
حتى يتمكنو من القضاء على هؤلاء الطاعون المسميين بأهلي فلسطين عقابا لهم على اقتحام أرض مصر طلباً للعلاج والمساعده
وياليت ما بدي ينفتح بيني وبينك باب حوار مره أخرى في مثل هذا الامر لأنك قد بدأتي تتعصبي لرأيك لمجرد أنه رأيك وليس لأنك مقتنعه به
بل لانه رأيك
أشكرك حبيبتي لمرورك وماتحرمينا من أرائك التي تغمرني سعاده

ارجو ان لا يكون الحوار قد اخذ مسلكا اخر وهو ما لا اتمناه . كلنا مسلمون والحمدلله والعزة لله ورسوله
واحنا عاوزين نكون يد واحدة متكاتفة ومش مجرد كلام بنقوله او كلام كل منا يحاول به فرض رأيه على الاخر

نحن لسنا فى صراع ولا أود ابدا ان نكون كذلك . نحن نحاول قدر الامكان ان نتناقش بنفس هادئة ولا ندع الامور تتخذ مسلك العصبية والتعصب . من منا لا يخاف على الاسلام . من منا لا يخاف على وطنه . وكل انسان مسلم يحاول ان يجعل الاسلام راية عالية فوق الجميع اما بالفعل او بالقول ولكن هناك من قد يكون سلبى هذا هو من لابد وان يتغير

وانا شايف ان حوارنا مع بعض دون الدخول ف التفاصيل يوضع تحت بند الايجابية . ان لم تكن هي الاقوى ولكنها قد تكون فعالة وقد يخرج اى طرف من اطراف الحوار راض على رأى الطرف الاخر ومقتنع به . وقد يحتفظ البعض برأيه وليس هناك اى خلاف ف الحالتين .

انا من وجهة نظرى ان صناعة الحدود قبل ان تتم بأيدى صهيونية . قد وضعها حكام العرب وحكام العالم . وان ما نحن فيه من وهن وضعف لابد ان تتحمله الشعوب لانها جزء من صناع هذه الحدود ايضا ان لم يكن بالقصد . فهو بالسلبية وكفانا تعليق همومنا على الصهاينة لانهم قبل ان يتعلموا كيف يفرقوننا . تعلموا منا ما معنى التشتت وعرفوا كيف يخترقوننا من خلال سلبيتنا وضعف حكامنا

انا ما قلتش كل كلامى لكن انا فعلا لازم اخرج حالا وهنكمل بعدين . بس ارجو ان الحوار ما يوصلش معانا للدرجة اللى ممكن اى حد يخون اى حد .كلنا بنحترم بعض جدا وكلنا لازم نحترم الرأى الاخر ونعترف اذا كنا مخطئين فى ارائنا ... وشكرا جزيلا . والسلام عليكم

أرجو من رانيا وبنت الراعى الا يأخذ الحوار هذا الطريق لاننا مهما اختلفنا ف الرأى . فأننا مسلمون ولابد ان نتفق ف النهاية
حتى يكون للحوار فائدة وألا يجرح احدنا الاخر سواء بقصد او بدون قصد . وفى النهاية انا اسف لو كنت قلت اى كلمة ضايفت اى حد منى واسف ان الحوار وصل للسكة دى

وبطلب طلب اخوى من رانيا وبنت الراعى اننا نكمل ف المنتدى ايد واحدة وعمل واحد نقدر على الاقل نصلح ما يمكن اصلاحه
ومحدش يسيب المنتدى لاننا كلنا اخوات ف الاخر وهذا رجاء اخوى منكم وبكرر تانى اسفى لو كنت ضايقت حد بدون قصد

بجد بجد
اتصدمت من كل الردود
لاحول ولا قوة الا بالله العلي العظيم
بجد ياجماعه الموضوع مش محتاج كل الكلام ده
كلنا اخوات في الاسلام
ومش بس كده
انا فلسطيني من ام مصريه
يعني النسب بين الفلسطينيين والمصريين من زمان جدا
ومش بس كده دي العريش وفلسطين يعتبرو جزء واحد
وياريت يا انسه رانيا انتى وبنت الراعي ماتعملوش كده في بعض لان بجد هو ده اللي يتمنى يشوفه اليهود منكم مش الشطاره انك تبيني عيوب اختك
لكن الشطاره انك تفهميها رأيك بدون عنف

اخوكم خير الدين
فلسطين العظيمه

ونقول باااااااااااااااك من تانى للمنتديات واخوانى واخواتى اللى منورين المنتدى كله بجد صدقونى وحشتونى كلكم
بنت الراعى ورانيا مفيش حاجة اسمها مصرى وغير مصرى انما فى حاجة اسمها مسلم يحب اخية المسلم ولو عايزن الصراحة سبب مشاكلنا ومصائبنا كلها سببها بعدنا عن الاسلام للاسف بتجمع مش من اجل نصرة الاسلام لكن عشان بتفارق ونتخانق مع بعض .
بالنسبة للسلبية اللى كنتى بتتكلمى عليها بنت الراعى دى هتكون موجودة لان الحالة المزاجية للناس مختلفة فكل واحد بيرد او بيكتب رد وبيعارض وبيناقش اكيد هو هيكون عندة فكرة عن الموضوع او الموضوع يمثل شئ من اهتمامة واللى بيكتفى بى نايس توبك ده مش بيكون رد انما بيكون مجاملة لكاتب الموضوع لان الموضوع ممكن يكون من الموضوعات الهامشية بالنسبة للشخص ففمكن شخص يكون اتجاهه رياضى فقط او اسلامى فقط او سياشى فقط فاكيد هيهتم ويرد بما يمثل اهتمامة اكثر . على فكرة انا يمكن كتبت موضوعات من اول ما اشتركت فى المنتدى ومش لقيت عليها ولا رد لكن ده لا يمثل لى ازاعاج لان اكيد فى يوم من الايام ممكن عضو يكون يبحث عن موضوع يلاقى معلومات عنه فى موضوعاتى او موضوعات باقى الاعاضاء المهم اننا لما بنجيب الموضوع بنحطة لاعضاء المنتدى وغير الاعضاء لكل شخص يدخل المنتدى زائر يلاقى موضوع.
كلمة اخيرة احب دائما ان المسلمين يكون التعامل بينهم على اساس الاسلام وليس على اساس جنسية كل مسلم لان فى النهاية كل انسان مسئول عن تصرفاته تجاه نفسة وتجاه الاسلام .

قال الرسول الكريم صلى الله عليه وسلم (( لافرق لعربى على اعجمى الا بالتقوى )) صدق رسول الله صلى الله عليه وسلم .
الاحداث الاخيرة التى حدثت واقتحام معبر رفح وقتا مصريين ده انا بقول عليه انه ليس من الاسلام فى شئ .
للاسف فى فلسطين فتن كبيرة للحصول على السلطة وده سبب المشاكل والكوارث كلها .