حيران

ابعد ولا اقرب اضمها ولا اتهرب
انساها ولا اجرب احبها ولا اعمل ايه
اوعدها ولا اخونها اسيبها ولا اصونها
اخلينى جنب عيونها ولا اعمل بس ايه
حيران محتار ياناس وبجد تعبت خلاص
اديها طيبة واخلاص وهتدينى هى ايه
اه ياخوفى لتعلب بيا وتسيبنى اسهر لياليا
وتعشم روحى وعينيا بكلام عمالة تحكيه
ويطلع منها كله كدب وتنسى الوعد وتنسى الحب
وتسيبنى انا مجروح القلب وقلبى متسألش فى يوم فيه
وتتحول فجاة الملاك لحد تانى بينسى هواك
اعمل ايه ياقلبى معاك حبتها انت وبايدى ايه
انا كنت قلت ياقلبى لا حب تانى لا لا لا
بعد اللى شوفته منه ده وبعد اللى شوفته ياقلبى فيه
معرفش ليه المرة ديا لقيتك ياقلبى بتقول ليا
بحبها بكل مافيا وقلبها ده حياتى دى ليه
فكر ياقلبى متتسرعش متقولش من غيرها متأدرش
فكر ياقلبى متستعجلش لاحسن قرارك تندم عليه

نايس شعر

شوفت كلمه نايس شعر ديه

افهم انت بقى