يا جماعه بجد انا عارفه انه كله بيسال ايه عنوان الموضوع الغريب ده بس احب اطمنكم مفيش ضرب بس كل الحكايه ان فيه كتاب انا قرأته لازم كلنا نقراه واحب افهمكم ايه الكتاب ده وبيتكلم عن ايه بس بجد لازم ان كل واحد فينا يكون عارف الدستور بتاع بلده وعشان طبعا احنا فى عصر السرعه وكمان عشان الكلكعه وكده وانو فاهمين الباقى بقا يعنى سعات الدماغ بتهنج من الف حاجه مش كمان هنقعد نقرا الدستور بتاع بلدنا بيقول ايه؟
بس
انا قريت كتاب كان لازم بجد ادخل المنتدى واقولكم عليه ويعرف كل واحد فينا ايه الي ليه والي عليه
على العموم مش هطول هدخل فى الموضوع عشان متزهقوش وتقفلوا الصفحه
اوك ندخل
اولا الكتاب ده لمؤلف اسمه )عمر عفيفى )
هسال سؤال
حد عارف يعنى ايه تحرى ؟
مفيش يا جماعه حاجه اسمها يتقبض عليه او يتحبس تحرى لكن من حق الشرطه توقيف الناس الي بيحطوا نفسهم بمزاجهم فى مواقف الشك والشبهة والريبة
طيب ياترى تعمل ايه لو حد من الشرطه وقفك وقالك احنا مشتبهين فيك؟
مفيش حاجه اسمها اشتباه لان الموضوع ده انتهى من سنه 1993 بعد ما المحكمه الدستوريه بالغاء الاشتباه فى الناس وتقوله بكل ذوق يا حضرة الظابط قانون الاشتباه اتلغى من سنة 93 ومش من حق سياتك تخدنى اشتباه
يعنى ايه حط نفسك فى موقف شك وريبة ؟
اقولك ا يعنى يكون مثلا ماشى بيلعب فى كوالين العربيات المقفوله او شايل اجهزه كهربيه وعمال بيتلفت يمين وشمال او على هدومه اثار دم او متعور او حاول يجرى او بيدارى لما يشوف عربيه او بيدخن مخدرات مخدرات ها او شاي سلاح
طيب تعمل ايه لو ظابطلو ظابط شتمك وركبك البوكس بالعافيه وخدوك على القسم وحجزوك محضر تحرى ؟
لو الظابط حس انك راجل بتتكلم معاه بجد وبحسم ورجوله ومش خايف منه وانك فاهم حقوقك كويس مش هايخدك على القسم من اساسه لكن لو خدك على القسم تطلب مقابله المأمور او النائب
يا جماعه لو بجد
كل واحد عرف حقوقه وواجباته هنكون مجتمع متقدم
انا بجد نفسى كلنا نقرا الكتاب ده مفيد جدا بدون اى حشو
وشكرا جدا ليكم واستنوا منى المزيد بخصوص الموضوع ده
نكمل الموضوع يا جماعه
ليه دايما فى قضايا كتير قوى بتلزق حته الحشيش او باكتة البانجو فى بطاقه المتهم وهوه بيطلعها للظابط وتقع على الارض ويلقطها فيلاقيها مخدرات ؟
السيناريو ده قدم قووى وبقى فيلم محروق وكان بيلجا للحكايه دى بعض الظباط قليلى الخبره والضمير وعلشان يخلقوا تلبيس ويوجدوا مبرر قانونى للقبض والتفتيش وطبعا ده كلام غلط جدا ويبقى الظابط فى حاله دى لفق حاله التلبس للمتهم على الحقيقه علاوه على انه قام باجراء باطل يستوجب العقاب وهو القبض والتفتيش بدون وجه حق
طيب ايه عقوبة الي يقبض على حد ويحجزه بدون وجه حق ؟
يتحبس ويدفع غرامه لاتزيد عن 200 جنيه
طيب لو الي اتقبض عليه طلع عامل ظابط او لابس ملابس الشرطه؟
تعمل له محضر على طول فى القسم او المركز الي حصلك فيها الموضوع ده لانه بيكون ارتكب جنايه فى حقك وبيتسجن
طيب لو كان اخد منى فلوس علشان يسيبنى؟
خد منك فلوس او ما اخدش القبض على الناس بانتحال صفة الشرطه جنايه عقوبتها السجن المشدد واكيد هيكون عيل من العيال الحراميه الي بيتنصب على الناس ويعملوا عليهم ظباط ويثبتوهم ويقلبوهم والمجرمين الي بيعملوا كده بيكونوا سوابق ومعروفين فى القسم وهتتعرف على صورة حد منهم والمباحث هتجيبه وتحبسه وهتجيبل الفلوس الي خدها منك واوعى تسيب حقك والجريمه دى بلغة المباحث بيسموها بلاغ ثورة
تعمل ايه لو حد جه من الشرطه البيت وقاللي البيه المعاون عاوزك فى القسم ؟
مفيش حاجه اسمها البيه المعاون اولا وبعدين عاوزك فى القسم لازم يديك ورقه طلب حضور او طلب استدعاء للقسم
طيب انتو عارفين ايه شكل ورقة طلب الحضور؟؟؟؟؟؟؟؟؟؟؟؟؟؟؟؟؟؟؟
هى ورقه طالعه من القسم مطبوعه على نموذج من القسم وممكن تكون مكتوبه بخط اليد لمقابلة ظابط فى القسم او فى المركزاو النقطه بخصوص الرد على محضر او شكوى او بلاغ
طلب الحضور بيكون مختوم ولا لا؟
لا بدون ختم
طيب لو مروحتش معاه ؟
ميقدرش يعملك حاجه ومش بالعافيه
ومفيش مسؤليه عليك
تعمل ايه لو كنت ماشى فى لجنه وفيها ظابط وقفنى وطلب بطاقتى وقالي طلع الي فى جيوبك؟
من حقهم انهم يشوفوا بطاقتك وارفض اى حد يفتشك وكلمهم بكل حسم ورجوله ومش من حق حد يفتشك بدون اذن من النيابه او المحكمه
لو واحد ماشى فى الشارع مع خطيبته او واحده صحبته وماشيين محترمييييييييييييين ووقفهم ظابط شرطه بطاقته وبطاقتها وحاول يخدهم على القسم؟
لازم يعرف هو مين الاول ويشوف الكارنيه بتاعه ويسال عن سبب توقيفه لهم مش من حقه يخدهم الا اذا كان فيه سبب كانوا مش ولابد او كان حط نفسهم بمزاجهم فى حاله شك وريبة او اتمسك متلبس بجريمة فعل فاضح فى مكان عام
يعنى ايه فعل فاضح فى الطريق العام ؟
يعنى واحد لامؤخده عمل حركات مش مظبوطه زى انه بيبوس واحده فى الشارع او يحضنها او يمسك صدرها او وسطها او رجليها لان ده يبقى فعل فاضح فى الطريق العام حتى لو كانت اخته او مراته او خطيبته لان مش من حقه يبوسهم فى الشارع ولا فى مكان عام اى حد يقدر يشوفهم فيه او واحد او واحده يعمل حركه بجسمه او على جسمه ليها معنى جنسى او يعرض للناس من اماكن العوره من جسمه
طيب اشمعنى الشباب هى جت على بوسه يعنى ما الناس نازلين بوس واحضان ومسخره فى الفضائيات ومحدش بيكلمهم؟؟؟؟؟؟؟؟
للاسف سايبين الي بيعملوا اغراء للناس ليل نهار وافعال فاضحه وبيمسكوا الشباب الغلبااااااااااااااااااااان على ايه بوووووووووسه ههههههههههههههه
شكرااااااااااااااااااا جدا ليكم للمره المليون واتمنى انكم تستفيدوا زى ما انا استفدت من الموضوع ده وبشكر كل الي رد عليه وانتظروا منى المززززززززززززيد