كانت اكتر من اختى ولكن!!!!

كنت ف فترة من عمرى ليا صديقة وكانت تعتبر اكتر من اخت كنت بكلمها ف كل شىء عن حياتى وكنت كاتمة معاها اسرارى وكنت مش بخبى عنها اى حاجة خالص اعرفها من وانا ف اولى اعدادى كنا مع بعض على طول ف المدرسة ف الدروس بنزور بعض كتير جدا كنا مش بنسيب بعض المهم عشنا اصحاب واصدقاء لحد اولى ثانوى المهم كنت غايبة من المدرسة فى يوم لانى كنت تعبانة وكده المهم لقيت واجدة صاحبتى بتتصل بيا بتطمن عليا وبتسال عليا طمنتها وقولتلها انا تمام الحمد لله وكده لقيتها بتقولى على فكرة صاحبتك كذا اللى هى صاحبتى اللى قولتلكم عليها بتجيب فى سيرتك وحش وبتنم عليكى وبتقول كلام مش كويس ف غيابك انا مصدقتهاش طبعا وقولتلها انتى كدابة مستحيل تقول عليا كده وقفلت السكة فى وشها وبغد ماقفلت مبطلتش تفكير معقول صاحبتى واللى اكتر من اختى واللى ائتمنتها على اسرارى تغلط فيا ف غيبتى وتجيب فى سيرتى وحش مسكتش روحت وواجهتها ولكنها انكرت وقالتلى اللى قالتلك كده دى عايزة توقع بينى وبينك انا المهم قولتلها خلاص وصدقتها ولكنى كنت شاكة شوية وجه يوم واتاكدت فعلا انها بتغلط فيا ف غيابى وبتجيب ف سيرتى وحش اعتقادا منها انى بحب واحد هى بتحبه وهو ولا كان سائل فيها ولا معبرها فكانت فاكرة انى بحبه وهو بيحبنى ولكن انا كنت ف السن ده مبفكرش فى حاجة اسمها حب لانى عارفة ان الحب ليه وقت معين مش وانا فى اولى ثانوى احب وكده المهم عرفت انها بتجيب ف سيرتى وحش بنفسى شوفتها بنفسى وهى بتقول كذا كذا دى فاكرة نفسها حاجة وده عمره ماهحبها وكلام تانى كتير مينفعش اقوله ولكن ادى درس اتعلمته انى قبل مااختار الصديقة اللى هتكون ليا زى ضلى تؤام روحى لازم اكون متاكدة من اخلاقها ومن سلوكها وف الاخر ياريت قبل مانختار اصدقائنا نكون واعيين ف الاختيار

اسمعينى يا نرمين
انا لا استطيع ان انكر انكى منذ البدايه غلطانه تماما لانكى لم تحسنى اختيار اصدقائك
وايضا لا اعاتبك على ذالك فمن هيه فى مثل سنك فى هذا الوقت
لا تستطيع ان تفرق بين السيء والجيد

ولكن ما سأقوله لكي افعلى فى المستقبل ما لم تفعليه فى ماضيكى
خدى هذا الواقعه عبرة لكى وضعيها نصب اعينك
اختارى جيدا وثقى فى نفسك

ولا يوجد تعليما فى دنينا بدون مقابل
يجب ان ندفع ثمنا ما لكى نتعلم من اخطائنا القديمه
والطيوووووووووور على اشكالها تقع
احسنى تماما اختيار اصدقائك بعد معاملات عدة
وهذه هيه نصيحتى اليكى وهذا كل ما استطيع ان اقدمه ليكى

فعلا والله الصديق السوء دايما سوء
ربنا يبعد عنك وعنا الاصدقاء السوء
نايس توبك مرسيه

والله يا نرمين انا راى يعنى انك تقوللها ايه السبب الى خلاكى تعملى كده
وربنا يرزقك بصديقة احسن منها
وربنا يوفقك وشكرا انك انتى كده علمتينا درس
ميرسى خالص

بصي يل نرمين أنا إتعرضت لنفس الموقف ده مع إختلاف السبب من شهرين بالظبط يعني بعد إمتحانات الثانوية على طول و أنا تقريباً في نفس سنك
اللي أنا عملته إني سبته و معدتش اعرفه نهائي و اللي يسألني ليه سبته بقول إني مينفعش أمشي معاه لأن تفكيره غيري بس
على العموم احسن حاجة تعمليها إنك مش تكلميها تاني في الموضوع ده او غيره و لو شفتيها في يوم سلمي عليها بس و متجيبيش سيرة الموضوع ده مع أي حد ابدأ و خليكي إنت أحسن منها

ميرسى ليكو كلكو على مروركم وكلامكو الجميل ده

وردة

معليش يا نرمين كلنا عدنا بمواقف صعبة مع اقرب اصحاب لينا المهم نكون اتعلمنا منها يس دة المهم نيس توبيكك تسلم ايدك