عذرا لم أعد اعلم من أنا

انا كمان اشعر بالخوفنفسى افضل قاعدة فى مكانى, حاضنة رجليا لصدرى, و متكلفتة جوة نفسى
و اتعامل كأن مافيش حاجة بتحصل
بس ماينفعش
فيه حاجات بتحصل
سنين فاتت, عمر بيتسرق , انا مش عارفة اعمل حاجة

انا خايفة, و كل اما الخوف بيكلبش فيا اكتر كل اما بابقى عيلة اكتر و اكتر
بابقى عايزة اقفل عليا باب اوضتى و اتعامل على انه مافيش دنيا تانية براها
مافيش ناس احبهم و اخاف عليهم
فيه بس انا, و موسيقتى, و كتبى, و الصور الكتير المتعلقة على حيطان اوضتى
او بابقى عايزة حد يحضننى عشان اعيط, و يقعد يوشوش فى ودانى ان كل حاجة كويسة, مافيش حاجة وحشة ممكن تحصل

يا شباب ...يا حبايبى
احب اقولكم ان الدنيا دى اكبر كذبة واكبر خدعة الانسان بيلاقى نفسه فيها من غير مزاجه
بس انا اتعلمت ان لما يفرض عليك شئ
لازم تستفيد منه يقدر المستطاع
عاوز اقولكم ان احنا اللى بنصنع مستقبلنا
احنا اللى بنخلى الدنيا تنور واحنا بردو اللى بنخليها ضلمة
لو حد فكر للحظة ان الدنيا دى لا تساوى حفنة تراب ... مش هيتعب نفسيا والله
انا لسا من يومين شاب ف سنى كان على اعتاب التخرج من كلية الصيدلة وتوفاه الله
لو فكرت ف حال الشاب ده مش هتقدر تعيش ... لازم الحياة تستمر ... هى دى السنة المؤكدة
بنت الراعى ...
سنين فاتت ..... ده الطبيعى ..... احنا مش هنخلد فيها .... سنين فاتت ..... فى مستقبل وسنين جاية
المستقبل صعب ..؟؟؟ ما ده شئ طبيعى ... ولقد خلقنا الانسان فى كبد.صدق الله العظيم
عمر بيتسرق .....فكرى ف العمر اللى ربنا مقدرلك انك لسا هتعيشيه وحاولى تخلى بالك من نفسك
خايفة ..... ومين مش بيخاف ؟؟؟؟؟ الخوف طبيعى .....الهروب من المجهول هو اللى مش طبيعى
لو فضلنا حاطين ايدنا على خدنا ومنتظرين البلاء .....يبقا حرام علينا
حرام علينا لان ربنا ما امرناش بكده .....ربنا امرنا اننا نعبده ونشتغل صح ونشتغل كويس
حاولى تدورى على اللى بيحبك وتحبيه
وابكى معاه او من غيره ..... كثيرا ما يريح البكاء صاحبه
انا مثلا لما بحس انى مخنوق من اللى حواليا والدنيا ....تصورى بعمل ايه ؟؟؟؟؟
بروح لعالم مفيهوش غش وخداع ؟.....بروح اتفرج على كارتون الاطفال وتوم وجيرى وتيمون وبومبا .....عالم البراءة
يا جماعة والله مش مستاهلة ان الانسان يقفل على نفسه وينعزل
حاول تتعلم كيف تعامل الناس
ابعد عن الاحمق .....اعرف عدوك الف مرة وصديقك مرة ..... تعامل مع من تحس انه يحبك .....حاول ان تكون لطيف ودود مع اناس تحس انهم اناس حقا
حاول تزور مريض ..... تزور يتيم ..... تمر بكفيف الطريق.....تساعد مسكين .....تعطف على محتاج
حاول ان تتعلم معنى النعمة الالهية الربانية وانظر لمن حولك وانا اقسم بالله انك ستبتسم
ستبتسم لانك ستعرف كم النعم اللتى حباك الله اياها .....ستعرف ان كثيرا من الناس حرموا من نعم الله .....ولكنهم يبتسمون

ارجو الا اكون قد اطلت ف الرد ..... وارجوكم لا تحزنوا يوما وتذكروا
ان كنت مكتئبا لعز قد مضى ........... هيهات يرجعه اليك تندم
او كنت تشفق من حلول مصيبة ...... هيهات يمنع ان تحل تجهم

الموت ياخد احبتي والحياه تاخذ مني احبابي والفراق يقتلني ويمزق اشلائي لم يعد قلبي يحتمل ولم تعد عيني تبكي فقد انتهت دموعها لا اعلم الي من اتكلم ولا اعلم مع من سأحكي فجميعهم لا يشعرون بي لا احد يعلم مابداخلي
انا وقفت عند الجملة دية كتير اوى الموت اخد منى احبابى فعلا الموت بياخد منا احب الناس لينا بس منقدرش نقول حاجة غير الحمد لله نيس توبيك بجد

ربنا يرحمنا
تقبلو مرورى