احرق دم النايم......هههههههه؟؟

بصوا يا جماعه اكيد يعنى كل واحد نفسه ينتقم من شخص معين ويطلع عينه
انا هجبلكم الخلاصه مافيش احسن من انك تقرفه وهو نايم وتخليه يكلم روحه من كتر ما انت قرفته شوفوا بقى الطرق الجامده دى طرق غلسه غلاسه بجد

خد عندك دى ياقمر
1_لو مثلا اخوك نايم وانت مرارتك مفقوعه منه ادخل افتح نور الاوضه اللى هو نايم فيها واانت خارج ماتنساش تقفل الباب علشان مهما نده على حد يطفى النور ماحدش يسمعه وبكده يصحى غصب عنه

2_لو حضرتك قاعد على الكومبيوتر وجالك مزاج تسمع اغنيه مش تشغل الهيتفون والكلام الفارغ ده .......لا منك للسب وفر على طول واعلى صوت يا باشا وياسلام لو الاغنيه دى تنطيط وكده يعنى علشان تقرف اهل اللى نايم بصوت ام الدبدبه بتاعه الاغنيه

3_تجيب كبايه ميه وهو فى عز نومه تقوم واخد حبه وراشش عليه واطلع اجرى علشان لما يصحى ميلاقيش حد بيرش عليه ...والمسكين هيفتكر نفسه يا اتهبل يا اما السقف بتاع البيت بقى فى الطراوه وفى الحلتين تطلع انت براء يا نجم ولا كأنك عملت حاجه...وبردوا تبقى قرفته وطلعته مجنون

4_تروح تصحيه من النوم علشان تساله الساعه كام دلوقتى هيقولك مثلا الساعه خمسه تقوله اه صحيح فعلا تصدق ان ساعتك طلعت مظبوطه

5_بص ياجميل علشان بقى تصحيه فعلا وتتاكد كده انه صحى وفاق وبقى ميت فل وعشره تعمل ايه يا جميل هقولك انا.............. انت تكون قاعد وطافى كل انوار البيت ومشغل فيلم رعب جامد تقوم معلى الصوت على الاخر واول مايجى مشهد مرعب تفصل تصوت وتقول لالالالالالالالا حرام عليك ارحمنى انا مش قدك يا لهوى يا مصيبتى الحقونى ...واول مايجى الشخص اللى انت عايز تصحيه ويسالك فى ايه مالك تقوله ابدا اصلى كنت بتخيل المشهد اللى هيجى بعد ده وبتخيل البطل كان هيعمل ايه يعنى ...روح نام روح ...وطبعا مش هيروح ينام من فيلم صراع الطبقات اللى انت عاملهوله ده

6_لو عايز تصحيه وتقهره على شبابه خليك كده ايزى اطفى التليفزيون وخلى جو البيت هدوء وباعلى صوت عندك قول... التربتو التربتو..... وطبل وسقف كأنك فى اجدع فرح لبنت العمده وزغرط لزوم الشغل بردوا .....وقول وعقبال عندك يا محمد ....ونازله السلالم وقول كام اغنيه شعبى كده واعمل كوكتيل جامد ...وغنيه بطريقه غبيه كانك بتتخانق ...لو صحى وقالك فى ايه قوله ابدا بفكر ابقى مطرب شعبى ....او ناوى اقدم فى برنامج سوبر استار(خلف الاسوار)...ودى بتكون نهايتك ياحلو

بصوا ياحلوين انا اه فعلا قولتلكم ازاى تقرفوا النايم بس انا مش مسؤله عن اى اصابات هتحصلكم
لان رد الفعل هيكون شديد اوى يعنى لو جالنا عضو مره وايده مكسوره اعرفوا انه يا حبيب قلبى عمل بنصايحى المهببه........

ههههههههههههههههههههههههههههههههههههههههههههههههههههههههههههههههههههههههههههههههههههه
اى خدمة :lol: :lol:

هههههههههههههههههههههههههههههههههههههههههه
لا بجد جامدة و الله أنا أخويا الكبير قارفني كل الحاجات دي بيعملها معايا ماعدا مطرب شعبي دي بس أنا هجربها فيه و الله بجد جامدة يا أنوش نايس توبك

مش انا قولتلك قبل كده ان انتى رخمه و مصيبه و هاتودى الناس فى داهيه بس سكر يابت و نايس توبك

هههههههههههههههههههههههههههه حرام الاذية يا انوش بي نيس توبيك ياقمر