ايه اكتر حاجه وجعتك فى حبك؟؟؟؟؟؟

ازيكم عاملين ايه
يارب تكونوا كلكم كويسين وبخير
انا النهارده بسال سؤال ؟
ايه اكتر حاجه وجعتك فى حبك؟؟؟؟؟؟
الخيانه ؟؟؟؟
الكدب؟؟؟؟؟
ايه؟؟؟؟؟؟ اللى وجعك فى الحب
حاجه بجد اثرت فيك وتركت لك جرح تفتكره كل شويه
وليه مش ساب الحبيب ده حاجه حلوه ليك
عاوز اجابات صريحه وبدون احراج
مستنى اشوف الاجابات

بصي يا نوشه انا من راي ان الخيانه والكذب مش بعيد او بينفصلو عن بعض الذب بايدي للخيانه والخيانه هيا الكذب بس بجد محدش يحس بالكلام دا غير الي يجرب الحاجه دي بجد الخيانه شئ بشع اوي انك تحبي حد واخلاص بقي وايه مقطعه نفسك علشان الحد دا وهو ولا الهوا زي مبيقولو والكذب كمان انك تبقي نايمه علي ودانك كده دي تبقي حاجه بشعه ومحدش بجد يستحملها بس اقولك علي حاجه كل حاجه وحدشه بتتعمل فيكي اكيد بجد لازم هتشوفي اللي عمل فيكي اوي فيا اوي اي حد يعني تترديلو زي محصلت بس ايه بقي اصعب واقوي بس يلا هنعمل ايه لازم نستحمل ونعدي ونقول زي كل الناس مبتقول حصل خير وهيا الدنيا مش بتقف علي كده بجد دايما بتعبري عن الي جوايا انا بالذات يا نوشه تسلم ايدك بجد يا حبيبي

لاف

بصى ياانوش الكذب والخيانة صعبة اوى بجد انك تحبى ويخونك يبقى ازى بيحبك بس دة الزمن دلوقتى كلة كدة بس فى حاجة صعبة كمان انك تتحبى حد وهو مش بيحبك نااااااااااايس توبك ياقمر

تسلميلى يا هند بجد انا اه بعبر عن الى انتى بتحسي بيه وانتى بتقولى الكلام الى انا عايزة اقوله بجد مش لاقية كلام اقوله بعد كلامك وفعلا الخيانة والكدب ابشع حاجة ربنا يبعدنا عنهم يارب
تسلمى يا حبيبى

وردة

تسلميلى يا يويتى انتى كمان عندك حق صعب اوى انك تحبى حد مش بيحبك والاصعب بقى يا يويو لما تلاقى الانسان الى يحبك بجد وتضيعيه من ايدك حتى لو كان غصب عنك لان حيجى اليوم الى تندمى فى انك ضيعتى منك حد حبك بجد فى زمن صعب اوى تلاقى فى حد بيحب حد نورتى بجد التوبك ميرسى يا قمر

وردة

هاى ياسيندريلا ازيك يارب تكونى كويسة بصى ياسيندريلا اى نهاية حب اومعظم اى نهاية حب بتكون بالسببين اللى قولتيهم .. الكدب - الخيانة . المفروض بقى ان لما واحد يكتشف ان حبيبه خاين وكداب ميندمش عليه ثانية واحدة ولا يبكى على اى حاجة فاتت المفروض انه يفرح لان ربنا عرفه الحقيقة وخلاه يكتشف نية حبيبه قبل ماالوقت يطول وبعدين ممكن يكون ربنا شايله حاجة احسن من اللى هو كان فيها والانسان عموما موجود فى الدنيا عشان يتعلم من اخطاؤه انا عن نفسى بتكلم عن تجربة عيشتها والحمد لله انتهت وخلصت ولقيت اللى احسن منها بمراحل محدش فى الدنيا بيتعلم ببلاش المهم نستفيد من اى حاجة عيشناها سواء فرحتنا او تعبتنا وتوبك جميل ياسيندريلا تسلم ايدك

أنا عشت حياتي بدعي ربنا يبعدني عنهم بس مع أول حب ليا لقيتهم في وشي لقيت اللي بحبها بتخوني و مع أقرب أصدقائي اللي كان أنا هو و هو أنا
ليه بقى حبيبي مسبش حاجة حلوة لأن الخيانة دي مرض بيبدأ بالكدب و ينتهي بالقتل
لأن الخيانة يعني القتل
لأن أنا حسيت بعد ما إكتشفت إنهم بيخونوني إنهم هما الإتنين قتلوني
أنا أول ما إكتشفت الخيانة دي حسيت إن أنا فعلاً مت بس بعد فترة إكتشفت إن أنا مش المفروض أزعل مش المفروض أبكي المفروض إني أنسى بس الخيانة صعبة النسيان
غصب عني لقيت نفسي ببكي و بنعزل عن اللي حوليا بس ده ليه علشان حسيت بالخيانة يعني غضب منهم ولا علشان أنا فارقتهم و عمري ما هصفالهم تاني مش عارف بس الإتنين واحد و مرتبطين ببعض
بس أنا أول مرة أعرف إن الإنسان ممكن يكون عايش و ميت في نفس الوقت يوم ما إكتشفت الخيانة دي

نايس توبك أنوش و حرام عليكي قلبتي المواجع

شكرا يا ميدو لمرورك وشكرا يا رامى وقصتك مؤثرة اوى بس صدقنى مفيش حاجة تستاهل انك تندم عليها عشان اصلا مفيش حب دلوقتى بجد ولا حتى صداقة يعنى بقى المفروض نفكر فى نفسنا شوية ونبعد عن الناس الى بتخدعنا بس المشكلة ان الواحد دلوقتى مش بيعرف يفرق بين الى بيحبه والى بيخدعوا وانا عن نفسى مبقتش اعرف افرق مين الى بيحبنى ومين الى بيخدعنى سورى انا قلبت عليكم المواجع بس بردوا قلبتها على نفسى

فعلاً إنت عندك حق يا أنوش فعلاً مفيش حد و لا حاجة تستاهل
بس أنا مش معاكي في إن مفيش حب بجد لا فيه بس اللي يدور عليه بقى
و فعلاً المفروض الواحد يفكر في نفسه شوية و يسيبه من اللي فات بس برضه أنا مش بقدر لأن الموضوع مش سهل عليا و لا على أي حد مع إن الكلام ده من زمان يعني من أكتر من 7 شهور بس برضه صعب عليا انا لما بفتكر الموضوع ده بصراحة مش بعرف أتحكم في نفسي

شكراً ليكي أنوش و نايس توبك تاني مره

انوش
موضوع رائع جدا
بصى كل الاراء اللى فاتت صح جدا
بس انا شايفه ان اصعب حاجه
لما تحبى اوووووووووى
تحب بجد وبكل كيانك
ويكون عندك الاستعاد تعملى اى حاجه عشان الانسان دا
وعندك استعداد تتحدى الدنيا بحالها عشانه
ويجى هوا من اول مشكله يقولك سورى
مقدرش استحمل عشانك حاجه
سعتها سورى بتبقى عايزا تولعى فى نفسك
وكل ما تفتكرى اى حاجه حلوه عملتيها عشانه بتبقى كرها الدنيا بحالها
موضوع رائع
وعلى راى اللى قال بتقلبى المواجع
ههههههههههههههه
بس ولا يهمك

انا رأيي زى قمراية الحقيقة
انك تحبى حد و تبيعى عشانه كل الناس و ييجى هو فى اول مشكلة تقابله يتغير عليكي ..
بجد حاجة تجرح اوى لما يكون عاوز منك الصداقة مش الحب اللى جواكى ..

بصو انا مش حزود كتير عن الكلام اللى انتو قولتة بس هو بيبقى من اختيارنا احنا واحنا اللى لازم نتحمل نتيجة الاختيار دة سواء صح او غلط
ومفيش شك طبعا انى كلامكم صح انى الكدب والخيانة ابشع شئ فى الدنيا بس احنا اللى بنجيبوة لنفسنا من الاخر
نيس توبيك تقبلى مرورى

يا جامد انت يا جامد
على اساس اننا بنقرا الكف يعنى عشان نعرف نختار
كله بيمثل على كله يا بوبه
واللى يقول بعرف اختار يبقى كداب
ممكن تقولى
مانحبش الا بعد عشره
ساعتها ممكن نختار
تقبلى اختلافى معاكى فى الراى احلى بوبه

اختلاف مقبول ياقمر طبعا
لكن صدقنى من بداية العلاقة
بيبقى فى حاجات كتير اوى غلط
قدام عنيكى وبتعملى نفسك عبيطة وبتعديها
لانك بتبقى متخيلة نفسك انك حتعرفى تغيرى كل اللى مش عجبك دة بعدين
وبتفضل المشكل تكبر وكل مشكلة مشكلة تبقى اكبر من اللى قبلها
لحد ما بتوصلى لدرجة انك خلاص مش قدرة
ساعتها بتعرفى الحقيقة المرة بقى
وانى اتنيتل على عينك
اخترتى غلط بس
لكن لو من البداية ومن اول مشكلة عملتى وقفة وعرفتى انك اختيارك غلط وماترعتيش فى الحب دة
حتعرفى انكك اخترتى صح
تقبلى اختلافى يا حبى معاكى