تخيل لو البنت راحت تتقدم للولد‏

تخيل كده وانت قاعد في الغرفه بتاعتك وعمال تقرا في كتاب رومانسي وخيالك سرحان مع فارسة احلامك تيجي تاخدك وهيا راكبه علىالحصان الابيض
وفجأة تلاقي والدتك دخلت عليك وكانت اصلا قاعده مع الجيران
وتلاقيها بتقولك انا عازه اتكلم معاك في موضوع يا ابني .... طبعا هترد عليها وانت قلقان خير يا ماما
تقول والدتك : يا ابني جارتنا عاوزه تخطبك لبنتها . وانت ما شاء الله عليك كبرت واحلويت والكل عاوزك...... ايه رأيك يا ابني
ساعتها تنزل راسك في الارض وتلعب في شعرك او في شنبك وترد وانت مكسوووووف وخدودك حمرا

الرأي رأيك والشوره شورتك يا ماما لأ لأ لأ يا( مامي احسن )
ومامتك تقولك بقى : انا مش شايفه في البنت حاجه
ماشاء الله عليها محترمه و وظيفتها محترمه وراتبها محترم وعيلتها كمان كويسه وبعدين من الشغل للبيت ومن البيت للشغل ولا بتدخن ولا بتخرج مع البنات صاحباتها يعني من الاخر بنت كويسه اوي

انت بقى تقول لولدتك: بس يا مامي هيا عمرها ما شافتني خالص
والدتك تقول : هيا شافتك وانت نازل من اتوبيس المدرسه بتاعك
بس يا سيدي وسألت عليك وقالولها انك ولد كويس وابن ناس
ولا بتروح تسهر بره ولا بتروح مع اصحابك تسهر معاهم في الكوفي شوبات
وقالولها كمان انك مبتخرجش الا مع ابوك
المهم يا ابني هيا وامها جايين يوم الخميس علشان يشوفوك
انت تسأل وتقول : طيب يا مامي دادي رأيه ايه
ترد والدتك وتقول : والدك ما يعرفش حاجه هو مشغول في المطبخ وتنظيف البيت.
انت تقول : خلاص يا مامي اللي انتي شايفاه
وتخرج والدتك من الغرفه

وانت تقوم جري تقف قدام المرايا وتلف نص لفه يمين ونص لفه شمال وتسرح شعرك وشنبك بمنتهى الدلع

وتقول : اخيرا حست بيا وخطبتني -

وقبل يوم الخميس تروح للكوافير الرجالي وتكون حاجز قبلها وتصبغ شعرك هاي لايت وتطلع زي القمر في الاخر

ولما تروح البيت تقف قدام المرايا شويه

وفي اللحظه دي والدك يقولك : يالا يا ابني دخل العصير لعروستك امك عماله تسأل عنك لحد ما خنقتني
وانت تقول لوالدك : يا دادي انا بتكسف مش هاقدر ادخل العصير
وابوك يقول وهو حاطط ايده على كتفك يالله يا ابني روح لعروستك ... هىءهىء
وانت تقول : يا بابي انت دايما تحرجني كده ...
وساعتها تدخل صينيه العصير وانت على الباب تقول احم احم وبكل ادب ورقه ودلع تقول هاي
وترد هيا عليك بعد ما تقف وتقولك هاي وهيا عينها هتطلع عليك
وتقولها اتفضلي العصير وانت طبعا بتقدم نوعين عصير برتقال وفراوله
وهيا تسألك ايه احلى العصير الاصفر ولا الاحمر
انت ترد تقولها الاتنين حلوين
وهيا ترد طبعا عشان انت اللي عملته بأيدك
وتحط الصينيه بسرعه وتحط ايدك على فمك وتكتم الضحكه وتطلع بسرعه من الغرفه دي
وتلاقي اخوانك الولاد يسألوك شكلها ايه
وانت تقوللهم : تهبل يا اخواني حلوه اوي ودمها خفيف

وفجأه تسمع والدك بيزغرط وبيقولك مبروك يا ابني


تخيلوا لو الكلام ده حصل !!!!!!!!!!

سحر العيون

والله احسن حاجة لان الرجالة دول لا نفيعين لا طبلة ولا تار هههههههههههههههههههههههههه

وبعدين يعنى هى جت على دة دول مبيعرفوش يعملوة حاجة كانو زمان بيقولوك الرجل بيشتغل والبت مسولة عن شغل البت دلوقتى البت بقت بشتغل وبرضة مسءولة عن شغل البت فمجتش على دية بقى تسلم ايدك يا انوش نيس توبيك

هقول ليكي ايه يا هبة العيب مش عليكي العيب على الشباب السيس اللي بيندلق على اي جيبة هبلة معدية قدامه
فعلا الشباب اغلبه بقي فاقد لمعني الرجولة للاسف

ام انوش هقول ليكي كلمة وحدة اتغطي كويس وانتي نايمة

واعرفوا انتوا الاتنبن كنت هرد رد وحش بس افتكرت انكم برضوا محسوبين على البنات

اممممممممممممممممممم
لا تعليق
حسن جاب الناهيه
وناهيه اقرب من كرداسه