كلاكيت ثالث مرة \ بيبو

اولا يا يويو ميرسى الموضوع الحلو دة وميرسى على كلامك اللى فوق اللى بجد كتير جدا وميرسى عل الاكل والعصير واى حاجة منك يا يويو انتى عارفة انها عل قلبى زى العسل
يارب دايما يخليكى ليا وتفضلى دايما معايا يا اجمل اخت فى الدنيا


يلا نرد على اسالتك


يلا بينا نبدا الاسئلة
الاسم \
هبة
السن\
فى شهر 10 الجاى حكمل 27سنة
البلد\
الاسكندرية
الشهادة الجامعية
فى 4تجارة ربنا يخرجنى منها على خير عشان جبت اخرى خلاص
اية امنيتك\
كتير جدا يا يمنى بس اكتر حاجتين نفسى فيهم انى اخلص دراستى واطلع اعمل عمرة ليا وعمرة لماما

اية اكثر حاجة بتتحبيها فى حياتك\
الصراحة
اية اكثر حاجة بتزعلك اوى\
الكدب والخيانة
اية رايك فى الحب \
للاسف مفيش حب فى الزمن دة الحب احلى حاجة فى الدنيا بس الناس هى اللى بوظت الحاجة دية سواء ولاد او بنات بقوااااا الاتنين بصراحة عايزين الحرق بجاز

اية اكثر حاجة بتتفرحك\
بجد اما اللى حوليا بيبقو فرحنين وبالاخص اهلى واصحابى اى حاجة بتفرحم بتفرحنى واى حاجة بتزعلهم ببقى متنكدة عشانهم

جاوبى على دول بس لغايت لم افكرلك فى اسئلة وارجعلك انتظرنى
هههههههههههههههههههههههه هو ليسة فيكى نفس تسالى تانى ماشى يا ستى اسالى برحتك فى انتظارك

ودول منى ليكى

سمورتى منورة التوبيك ياقمر وشكلك بتنتقمى منى بس ولا يهمك اسالى برحتك
يلا حرد عليكى انا



س1_اية هيا احلامك فى المستقبل ؟
انى اخلص كلية واشتغل شغلانة كويسة بعد ما اخلص

س2_عبر عن نفسك فى كلمتين ؟
بنت عادية جدا

س3_حلم حلمته واتحقق؟
انى ادخل كلية واكمل بعد المعهد

س4_حلم حلمته ومتحققش؟
ان امى تفضل جمبى لحد ما اخلص دراسة وتفرح بيا

س5_الماضى بالنسبة ليك يعنى اية؟
صفحة قطعتها ورمتها وراة ظهرى

س6_اكتر حاجة عملتها وندمت عليها ندم عمرك؟واية سبب الندم ؟
انى دخلت نت فعلا ندمانة علية ندم عمرى والسبب حاجات كتير اوى من الاسباب دية انة بيضع الوقت على الفاضى

س7_اكتر اكلة بتحبها؟والعكس؟
انا بحب الفراخ المشوية والمكرونة بالبشمل
اكلة بكرها الكوارع والكرشة

س8_اية شعورك لو حد سألك سؤال ومقدرتش تجاوب عليه ؟
بصى الحمد لله انا مفيش حاجة بخاف منها غير ربنا واقدر ارد على اى سوال ايا كان اية هو
لكن لو دة حصل اكيد حبقى متضايقة وحفضل اسال نفسى سوال انا لية معرفتش اجاب لحد ما اعرف السبب



س9_مين الصديق الى بتعتبره قدوة ليك وعايز تبقى زيه؟
واحدة صحبتى فى الكلية ملتزمة اوى ومتتدية اوى بحب حتى اقعد اسمعها لان كلمها بياثر فيا بجد


س9_لو حبيت واحدة مش حاسة بيك حتعمل اية؟
لا صعبة دية عمرها ما تحصل لانى انا عمرى ما بدات مع حد وقولتلة بحبك مش غرور والله بس انا ما بقتنعش انى البت هى اللى تبدا فين كرمتها اما تروح تقول لواحد انا بحبك .



س10_حقولك كلمات توجهها لاشخاص فى المنتدى
- بحبــــــــك
يويو


- مواضيعك ممتازة
حسن


- انت فين وغايب عننا ليه
ميدو الشاعر


- المنتدى وحش من غيرك
صلصا


- رأيك بيعجبنى
المغامر


انت شخصية محبوبة جدا فى المنتدى-
قمراية

- انت دمك خفيف اوى
انوش


- انت شخصية قوية تتحمل الصعاب
حسن ربنا معاة


لو فى يوم كتبت مذكراتك يا ترى هاتكتبها بكل صراحه ووضوح وياترى لو كتبتها بصراحه ممكن تسمح لمين يقراها وهل منهم حبيبتك ومتنساش انت كاتبها بصراحه
اة حكتبها بصراحة طبعا
حسمع لاصحابى القريبين منى كلهم انهم يقروها طلما مفيش حاجة فيها تجرحهم
ولو حد حبيتة عاوز يقرها برضوة معنديش مشاكل لانى اصلا ما بعرفش اجرح حد
والحمد لله


2/مين تعطيه تذكره ذهاب بلا عوده
الظلم


3/من هوا المثل الاعلى فى حياتك
امى طبعا بعد الرسول علية الصلاة والسلام اكيد


4/مكان ترتاح بالجلوس فيه
قدام البحر بنسى نفسى

5/الحكمه المفضل اليك
افصل يابن ادم ما تشأء كما تدين تودان



6/مثل شعبى لا يغيب عن ذهنك
القرد فى عين امة عزال ههههههههههههههههههههههه



8/شئ تحب النظر اليه
السما طبعا



9/لما تكون مخنوق اوى بتعمل ايه
بقول لا اله الا الله محمد رسول الله
وبحاول اقرى سورة يس بتريحنى

10/ مين ممكن تبكى امامه ويا ترى ممكن تبكى امام انثى
مابحبش اعيط قصاد حد خالص عشان مابحبش اكون ضعيفة قصاد حد



12/ما رايك فى كلا من
الصداقه
احلى حاجة فى الدنيا بجد لو من القلب

الكذب
اسوء حاجة فى البشر وكل الناس بتكدب دلوقتى



الخيانه
ابشع شئ صعب اوى بجد



المراه
مخلوق رقيق واضعف حاجة فيها ودنها



الحب عامه
الحب فى الزمن دة مش موجود بس زى ما جوبت عل يويو الحب اجمل حاجة فى الدنيا بس الناس هى اللى بوظت معناة

الحب من اول نظره
لا مابقتنعش بية ممكن يبقى ارتياح لكن حب من اول نظرة صعب

الحب عبر الانترنت
كلام فاضى لانى محدش فية عدل

الدنيا والحياه
ربنا يخرجنا منها على خير

13/كم مره عرفت فيها الندم ومتقلش ما فيش لان كل انسان بيغلط ويندم
لا كتير جدا مين قال انى مفيش
حوالى 3 او 4 مرات
ولحد دلوقتى ندمانة عليهم

14/كم مره عرفت فيها الفشل
لا كتير غالبا فى الكلية برضوة

16/تقول لمين انا اسف فى حقق
يويو لما بزعلها

17/ تقول لمين يا خساره ثقتى فيك
مش لحد

18/ تقول لمين برافو عليك
ليكى يا سمر لنى بجد قدرتى تدى روح للمنتدى فى وقت قصير جدا مشاء الله عليكى بجد



19/تقول لمين خاليك فاكرنى ولمين انسانى
خليك فاكرنى ليكى يا سمر انتى ويويو
انسانى لكل واحد جرحنى فى يوم من الايام


20من تمنعه من السفر لانه عزيز عليك
بابا

21/ مين ترشحه للثرايا الصفرا
هههههههههههههههه حسن

اخيرا خلصت هييييييييييييييييييييييييييييييي
يلا سلام بقى

1- هل ممكن ان تتزوجين شاب كنتي تكلميه من قبل؟

2- هل ممكن تتزوجين شاب كنتي تكلميه وتطلعين معاه وو...؟

3-هل ممكن تتزوجين بواحد اعترف لك انه كان على علاقه بواحده او اكثر؟

4-هل ممكن تتزوجين بواحد اعترف لك قبل الخطوبه بأنه كان يزني وتابت الى الله؟

5-هل تصارحي زوجك قبل الزواج ان كانت لك علاقات شبابيه؟

6- هل تصدقين شاب قال انه يحبك؟

7-هل يوجد حب صادق خارج العلاقات الاسريه والزوجيه؟

هههههههههههههههههههههه روح منك للك يا محمد انا مكلكة اشوفك فيك 6 تشهور
وبعدين اية كمية الاسئلة دية انت حد موصيك عليا ولا اية
هههههههههههههههههههههههههههههههه
ماشى ليك يوم
حرد حاضر على الاسئلة بس كمان شوية عشان اكون فوقتلك يا محمد
ومحدش يسال تانى لحد ما اخلص اسالة محمد
انا بقولكم اهوة مش فرح هو هههههههههههههههههه
فاصل ونواصل

1- هل ممكن ان تتزوجين شاب كنتي تكلميه من قبل؟
لا لانة زى ما عمل كدة معايا حيعمل مع غيرى طبعا ولانة مابيرعيش ربنا فامش حثق فية
للا
2- هل ممكن تتزوجين شاب كنتي تكلميه وتطلعين معاه وو...؟
برضوة لا لانة نفس الاجابة السابقة

3-هل ممكن تتزوجين بواحد اعترف لك انه كان على علاقه بواحده او اكثر؟
خالينا منطقين مفيش شاب دلوقتى ماحبش واحدة واتنين وعشرة كمان المهم يكون ناوى ينسى اللى فات كلة ويبدأ من الاول معايا صفحة جديدة

4-هل ممكن تتزوجين بواحد اعترف لك قبل الخطوبه بأنه كان يزني وتابت الى الله؟
بص هو ربنا بيقبل التوبة والطبيعى انى اقولك اة ومالة طلما تاب خلاص
بس انا تركبتى مش حعرف اتعامل معاة وحيفضل الموضوع دة بنا
لكن اى واحدة تانية تقبل دة بجد حتكون اكيد اقوى منى بكتير وفعلا حتكسب فية ثواب كبير جدا


5-هل تصارحي زوجك قبل الزواج ان كانت لك علاقات شبابيه؟
لا لان اى راجل بيغير وبيشك فعلى اية وجع القلب وبعدين هو لية من يوم ما عرفنى مالوش علاقة بالى قبل كدة


6- هل تصدقين شاب قال انه يحبك؟
حاليا لا لانى من وجهة نظرى مفيش حب اصلا


7-هل يوجد حب صادق خارج العلاقات الاسريه والزوجيه؟
لا طبعا مفيش بيبقى كلمة كلام فاضى فى الهواة


اخيرا خلصت اسالك يا محمد والحمد لله

ويلكمو بيبو
المغامر مخلاش حاجه عشان نسالها
نحاول نشوف
1/لو قالو ليكى
ليك خمس بلاد ممكن تقضى فى كل واحده شهر تختارى ايه
2/بما اننا اخوات كلنا
شوفى مين من الاعضاء هايجى فى بالك
وقوليلهم
نصيحه وميزه موجوده فيهم
3/اكتبى اكتر حاجه بتتمنى تعمليها او تحصل ليكى فى المستقبل ممكن تبقى اكتر من حاجه
4/اكتبى اجمل حلم حلمتيه واتحقق
5/ما رايك فى الرجل بكل صراحه والمراه ايضا
6/ايه اكتر شئ حصل ليكى وجعك جدا وعشان كرامتك ماظهرتيش انك اتجرحتى
7/لو جيتى القاهره تحبى تخرجى فين معانا واذا احنا جينالك اليكس هاتودينا فين
8/تفتكرى ان فرص البنت فى الزواج بتقل مع مرور الوقت ولا مقتنعه بان النصيب هايجى هايجى
9/لو حبيت اقولك عرفى الجانب الخفى من هبه اللى ميعرفهوش غير القريبين جدا هاتقولى ايه
10/قولى رايك باقمرايه
لى عوده يا بيبو

اهلا بيكى على الكرسى واعتقد ان الناس سألو فى كل حاجة.

سؤالى غريب شوية

لو لو لو


يعنى انا بقول لو لو لو

فى يوم صحيتى ولاقيتى نفسك رئيسة جمهورية مصر


هتعملى ايه بس بطريقة واقعية

وبالمناسبة ادعوا للريس انه بيعمل فحوصات طبية فى المانيا اليومين دول ربنا يشفيه ويرجعه لمصر بالسلامة




اولا انا مش حمل اننا اتحمل مسئولية زى دية لانى حتحاسب عليها جامد طبعا يوم القيامةوانا مش نقصة يعنى مش من كتر حساناتى
ثانيا بقى حرد عل السوال
اول قرار حخدة ان حكومة نظيف دية كلها تتعدم فى ميدان عام لانهم نظفو البلد بما فية الكفاية صراحة
تانى قرار ححخلى مدة الحكم للبلد فصيرة جدا عشان يبقى فية تغير مش مؤبد هو
ححاول اصلح من احوال البلد والناس على اد ما اقدر رغم ان دة صعب جدا بس ححاول
ححاول ارفع الدخل واوافر فرص عمل للناس ححاول اصلح التعليم اللى رايح فى داهية دة زى احنا كلنا شفنا ولسة يا حنشوف
مشاكل مصر ما بتخلص يعنى كلنا عارفين دة ححاول اصلحها

يارب اكون قدرت اجاوب عل اد ما اقدر من وجهة نظرى

ويلكمو بيبو
المغامر مخلاش حاجه عشان نسالها
نحاول نشوف
1/لو قالو ليكى
ليك خمس بلاد ممكن تقضى فى كل واحده شهر تختارى ايه

السعودية
بيروت
امريكا
باريس
اليونان



2/بما اننا اخوات كلنا
شوفى مين من الاعضاء هايجى فى بالك
وقوليلهم
نصيحه وميزه موجوده فيهم

يويو اغلى اخت طبعا نصيحها تبطل تفكير كتير وعصبية
ميزتها انها طيبة زياد عن اللزوم

قمراية نصحتى ليها انا تفكر بعقلها شوية وتشوف مصلحتها فين
ميزتها انها حنينة اوى

حسن اخويا الكبير اللى بحترمة جدا وبقدرة فوق الوصف
نصيحة يبصل طولة لسان ههههههههههههههههههههه
ميزة انة ارجل واحد عرفتة على النت بصراحة واكتر حد محترم وتحسية وهو بينصحك انة فعلا بينصحك بدون اى غرض تانى غير انة خايف عليكى وعاوزك دايما كويسة وبخير
ربنا يدوم المحبة والاحترام بنا


3/اكتبى اكتر حاجه بتتمنى تعمليها او تحصل ليكى فى المستقبل ممكن تبقى اكتر من حاجه

انا بتمنى انى اخلص الكلية السنادى
وافتح مكتب محاسبة خاص بيا
واحط يفطة كبيرة اوى عليها اسمى

بتمنى برضو انى اعمل عمرة ليا ولما قريب

بتمنى انى اعمل حاجة خيرية اية بالظبط مش محددة بس نفسى اعمل جمعية للمساعدة الناس المحتاجة والفقراة يعنى امنية يارب اقدر احددهااو اعمل اى حاجة تانية خيرية

نفسى بابا ربنا يدلو الصحة وطولة العمر على طول طبعا

كفاية كدة يارب دول يحصلو بس


4/اكتبى اجمل حلم حلمتيه واتحقق
انى دخلت الكلية كان حلم عمرى زمان
وندمت علية ندم عمرى دلوقتى ههههههههههههههههههههه

5/ما رايك فى الرجل بكل صراحه والمراه ايضا
بصى مش عاوزة اقول كلام تقليدى
الراجل هو الظهر والسند والدنيا من غيرة ولا حاجة
والمرأة هى الوردة اللى بتجمل حياتة والكلام دة كلو
بس احنا فى زمن الاتنين عاوزين الحرق بصراحة
الرجالة دلوقتى اسهل حاجة عندهم الكلام
والبنات اسخم وادل
ربنا يرحمنا من عندة بقى

6/ايه اكتر شئ حصل ليكى وجعك جدا وعشان كرامتك ماظهرتيش انك اتجرحتى
لا مش حاجة معينة
بس انا اما بحس اللى قدامى بيكلمنى بعوجان
او عاوز يفرض راية عليا
ايا كان مين دة او دية
بديلة او بدلها استمارة 6 ههههههههههههههههههه عارفها انتى طبعا الاستمارة دية
لانى ما بحبش حد يجى على كرمتى لو روحى فية


7/لو جيتى القاهره تحبى تخرجى فين معانا واذا احنا جينالك اليكس هاتودينا فين
بصى يا سمورتى انا القاهرة معرفش فيها حاجة والله ولو جيت اهم حاجة انى اشوفك انتى ويويو واقضى معاكم اليوم
مش فرقة بقى اى مكان
اسكنردية لو جيتو فيها اماكن كتير
فى جرين بلازا
حدخلكو سينما
وحقعدك على البحر
حنروح مطعم ناكل
كدة يعنى

8/تفتكرى ان فرص البنت فى الزواج بتقل مع مرور الوقت ولا مقتنعه بان النصيب هايجى هايجى
بصى كل شئ نصيب اة بس ربنا ادنا حاجة اسمها عقل نفكر بية لازم تفكرى فى مصلحتك بعقلك لان اكيد كل ما بتكبرى فرصك بتقل والكلام لواحدة هنا عارفة نفسها هههههههههههههههههههههههه مش حقول غير كدة

9/لو حبيت اقولك عرفى الجانب الخفى من هبه اللى ميعرفهوش غير القريبين جدا هاتقولى ايه
انا كتاب مفتوح لاى حد يقرب منى ياسمر مفيش حاجة تستاهل انى اخبيها صدقنى وكل ما اللى قدامى بيقرب منى بقربة منى اكتر وبيعرف انى مفيش حاجة مخفية فى حياتى


10/قولى رايك باقمرايه
بنت جدعة اوى ومحترمة اوى وجميلة اوى وبتحب صحابها وبتحب الناس وربنا حيكرمها ويعرضها خير قريب بأذن الله

لى عوده يا بيبو

مستنياكى يا عيون بيبو

بيبو انتى مش ملاحطه ان الدلع ده بتاع ولد يعنى ممكن دلعك يكون هوبه ولا هابى مش بيبو ما علينا يا بيبو هههههههههه

انا مش عرفه الموضوع لسا شغال ولا ايه بس هاسالك سؤال واحد

اوصفى نفسك بكلمه واحده بتبذا باول حرف من اسمك؟

بيبو انتى مش ملاحطه ان الدلع ده بتاع ولد يعنى ممكن دلعك يكون هوبه ولا هابى مش بيبو ما علينا يا بيبو هههههههههه

انا مش عرفه الموضوع لسا شغال ولا ايه بس هاسالك سؤال واحد

اوصفى نفسك بكلمه واحده بتبذا باول حرف من اسمك؟

اولا يا جميل بيبو مش اسم دلع ولد بس بيبو اسم دلع بنت وولد
واسالى اى حد تعرفية دلع هبة اية وهو حيقولك
ثانيا بقى رد على سوالك
حوصف نفسى واقول انى هادية

وعموما نورتى التوبيك

نورك ياقمرايه انتى متزعليش اصلى بحب ارخم عالناس اللى بحبهم اسم حلو اوى بيبو تصدقى مين اللى قال عليه اسم ولد قوليلى عليه وانا اوديهولك ورا كوكب زحل ال اسم ولد ال

مش زعلانة يا جميل وبعدين دية اراااااااااااااااااااااااااااااء على راى محمد هنيدى فى الفليم ونورتى التوبيك

بوبه يا قمر
قوليلى
امتى ممكن تلجاى الى الصمت التام لو عدك مشكله
طبعا كل واحد جواا بيتخيل اولاده وبيخترعلهم اسماء تفتكرى لو جبتى بنتين وولدي هتسميهم ايه
اتى من النوع اللى بيستحمل غلط اللى بيحبهم فى حقه ولا م النوع اللى مش بيستحمل دا
لو بتحبى وحبيبك جرحك اوى وافترقتم بس رجع وددمان هاتعملى ايه
والعكس يعى لو اتى اللى جرحتيه وندماه هاتروحى تعتزرى وللا ايه
تفتكرى التفاهم افضل فى الزواج ولا الحب اختارى مهم متقوليش الاتنين
انتى مع الناس اللى بتقول المهم جمال الروح
يعى لو جالك واحد روحه حلوه بس شكله غير مقبول بالمره او غير رغباتك مثلا اتى طويله وهوا قصير اصغر مك كده
هاتعملى ايه
ويلا يا بوبه
شويه اسئله قبل ما ارفعك م الكرسى وارحمك مه
وغدا لقاء جديد مع عضو جديد م اعضاء منتدانا بس بعد ما تجاوبى على الاسئله
ورتى بجد بوبه
سلاموز يا قمر
هتلاقى ص الكلام اللى فيه حرف النون طايره مه
ابقى راعى كده وترجمى بقى

بوبه يا قمر قوليلى امتى ممكن تلجاى الى الصمت التام لو عدك مشكله لما احاول احلها المشكلة دية كذا مرة وماتتحلش بفضل الصمت وبسبها على الله هو قادر يحلها من عندة طبعا كل واحد جواا بيتخيل اولاده وبيخترعلهم اسماء تفتكرى لو جبتى بنتين وولدي هتسميهم ايه بنتين وولدين يا مفترية طيب انا اجيب بنت ولا ولد واحد بس واقول الحمد لله على كدة فين الصحة اللى تجيب 4عيال وتربيهم دية هههههههههههههه عموما ماشى البنات ملك ونور الولاد عبد الرحمن و احمد اتى من النوع اللى بيستحمل غلط اللى بيحبهم فى حقه ولا م النوع اللى مش بيستحمل دا لا طلما بحبهم بجد لازم استحمل غلطهم طبعا بس مش لدرجة انة يتمادى فى الغلط دة فهمانى لو بتحبى وحبيبك جرحك اوى وافترقتم بس رجع وددمان هاتعملى ايه بصى حسب الجرح وحسب احساسى انا هو ندمان بجد ولا بيمثل وحاخد اراء اللى حواليا اكيد يعنى وفى الاخر حقرر بس لو اقدر اسمحة واديلة فرصة تانية حعمل كدة اكيد من غير تردد والعكس يعى لو اتى اللى جرحتيه وندماه هاتروحى تعتزرى وللا ايه اكيد طبعا حعتذر الاعتذار مش عيب طلما انا اللى غلطانة غلط كبير زى دة تفتكرى التفاهم افضل فى الزواج ولا الحب اختارى مهم متقوليش الاتنين لا التفاهم طبعا اهم من الحب بكتيررررررررررررررررررر انتى مع الناس اللى بتقول المهم جمال الروح يعى لو جالك واحد روحه حلوه بس شكله غير مقبول بالمره او غير رغباتك مثلا اتى طويله وهوا قصير اصغر مك كده هاتعملى ايه بصى انا اهم حاجة عندى الشخصية نفسها الادب الاخلاق التربية وبعد كدة كل اللى بتقولى علية دة بيجى بعدة والشكل عندى مش مهم دة اخر حاجة بفكر فيها مش سطحية انا هههههههههههههههههه ويلا يا بوبه شويه اسئله قبل ما ارفعك م الكرسى وارحمك مه وغدا لقاء جديد مع عضو جديد م اعضاء منتدانا بس بعد ما تجاوبى على الاسئله ورتى بجد بوبه سلاموز يا قمر هتلاقى ص الكلام اللى فيه حرف النون طايره مه ابقى راعى كده وترجمى بقى

اهوة مرعياكى ياسمر اى خدمة وبجد انتى اللى منورة المنتدى كلة