جاوب بصراحة

اذا كنت صريح فأجب عما يأتي من اسئلة لنتعرف عليكم بشكل اعمق ..

1) اذا كانت عندك ورقه فاضيه ايه اكثر شي تحب ترسمه عليها؟ وليه ؟

2) قطار حياتك الى اين يتجه ؟

3) صف نفسك فى بضع كلمات ؟

4) شخص في حياتك تحس انه مظلوم ؟

5) حقيبة اسرارك عند من تودعها؟

6) احد علماء النفس قال ذات مرة : أنه باستطاعة الانسان العيش من دون اصدقاء فما رايك أنت ؟

7) أين تأخذك ذروة الغضب و كيف تعبر عنه ؟

8) ما أجمل شيء حبيته فـي الجروب ؟

9) لماذا لم تصبح مشهور؟

10) متى يعاندك النسيان ؟

11) هل حدث أن انتصرت على نفسك يوما وأحصيت عيوبك ؟

12) ما هو انطباعك عن الحب ؟

13) هل انت فعلا تحب من قلبك الأن ؟

14) هل تعتقد انك مقصر فى حق من تحبه ؟

15) متى يقسو قلبك؟

16) متى تخجل من نفسك ؟

1) اذا كانت عندك ورقه فاضيه ايه اكثر شي تحب ترسمه عليها؟ وليه ؟
وردة لانى بموت فى حاجة اسمها ورد

2) قطار حياتك الى اين يتجه ؟
بحاول اخلية يتجة لقربى من ربنا اكتر واكتر

3) صف نفسك فى بضع كلمات ؟
بنت بسيطة خالص وعادية خالص زى كل البنات

4) شخص في حياتك تحس انه مظلوم ؟
مفيش حد ممكن يكون انا

5) حقيبة اسرارك عند من تودعها؟
ممكن اقرب صحبة ليا بس مش كل حاجة ينفع تتقال

6) احد علماء النفس قال ذات مرة : أنه باستطاعة الانسان العيش من دون اصدقاء فما رايك أنت ؟
لا صعبة جدا انا بالنسيالى صعب الكلام دة بصراحة

7) أين تأخذك ذروة الغضب و كيف تعبر عنه ؟
بصى انا عصبية جدا بس مش لدرجة الغباء يعنى يعنى اتعصب اعلى صوتى وفى الاخر بهدة مع نفسى

8) ما أجمل شيء حبيته فـي الجروب ؟
بصراحة وبدون اى مجاملة يويووووووووووووووو احلى حاجة فى المنتدى دة
9) لماذا لم تصبح مشهور؟
عشان معملتش حاجة فى حياتى تخلينى مشهورة بكل بساطة لا اخترعت اختراع مثلا ولا عندى مثلا موهلات تخلنى امثل او اغنى لانى ماليش ف الهبل دة اصلا

10) متى يعاندك النسيان ؟
النسيان دة نعمة من عند ربنا لان بدونة النسيان صعب الانسان يكمل حياتة على الرغم برضة ان سعات الواحد بيقة نفسة ينسى حاجات معينة مبيعرفش ينسها بس برضة الحمد لله

11) هل حدث أن انتصرت على نفسك يوما وأحصيت عيوبك ؟
ههههههههههههههههههههه لا صعبة دية لانى فى عيوب انا نفسى معرفهاش اللى قدامى هو اللى بيقولها ليا

12) ما هو انطباعك عن الحب ؟
الحب فى الزمن دة غير موجود اساسا

13) هل انت فعلا تحب من قلبك الأن ؟
لا خاااااااااااااااااااااااااالص
14) هل تعتقد انك مقصر فى حق من تحبه ؟
مفيش حد فى حياتى حاليا والحمد لله

15) متى يقسو قلبك؟
مش بعرف اكون قسية مع حد حتى لو كان هو اللى غلطان فيا
ودة من هبلى وعبطى

16) متى تخجل من نفسك ؟
لما بكون بعيدة عن ربنا اوووووووووووووووووى

نيس توبيك يا نوشة تسلمى يا قمر والاسئلة حلوة موووووووووووووت

1- هرسم على الورقة صورة اجمل انسانه عرفتها فى الوجود كله والسبب لان نفسى اكون معاها دلوقتى .
2- قطار حيات يتجه الى نقطة مليئة بالصراعات داخلى فارجو من الله ان يلهمنى الصبر وييسر لى امرى وينصرنى على نفسى وعلى الشيطان .
3- انساء مليئ بالعيوب قليل المميزات
4- زوجتى
5- اسرارى لا تخرج من داخلى لان اعمل بمقولة احذر من عدوك مرة ومن صديقك الف مرة
6- ممكن المقولة تكون صحيحة لان عن نفسي اصدقائي محدودين جدا بس ليا صديق ده الوحيد اللى باتمنه على كل اسرارى هتعرفوه من المقوله دى ( صديقى هو نفسي متمثل فى شخص اخر ) وطبعا بما ان مفيش شخص اخر ينفع يكون انا انتو بقى افهمو الباقى .
7- بحاول بقدر الامكان تجنب الغضب لان فى الغضب لا يستطيع الانسان اتخاذ قرار صحيح . والتعبير عن الغضب بيكون حسب الموقف .
8- هقولك على حاجة لما بحب حاجة ما بسالش نفسي بحب فيها ايه المهم انى بحبها لان مفيش شئ كامل فالكمال لله عز وجل وحده \
9- لانى لا ابحث عن الشهرة احب انا اكون انسان طبيعى مفيش تكلف فى حياتى تعرفو بجد انا نفسي اعيش على الفطرة
10- النسيان نعمة من الله عز وجل انعم بها على البشر بس فى اوقات الحزن واوقات الظلم صعب انسى ويمكن يكون ده طابع اكثر البشر
11- فى اوقات انتصرت على نفسي لكن لم استطع حصر عيوبى
12- الحب كلمة تحمل معانى غير التى يفهمها او يعرفها اكثر الناس فالحب عندى يكون فى اقل من سطر ( المعاملة الحسنة والمودة وصلة الارحام والرحمة )
13- نعم
14- نعم
15- عندما ينقطع لسانى عن ذكر الله
16- عندما افعل شئ يكون فى غير طاعة الله
11-

1) اذا كانت عندك ورقه فاضيه ايه اكثر شي تحب ترسمه عليها؟ وليه ؟

ارسم طفل صغير لان دا حلمى فى الحياه

2) قطار حياتك الى اين يتجه ؟

اكذب لو كنت عارفه انا حتى مش قادره افكر فى مستقبلى

3) صف نفسك فى بضع كلمات ؟

انسانه محتاجه اعاده ترتيب لحياتها

4) شخص في حياتك تحس انه مظلوم ؟

امى ودعاء اختى

5) حقيبة اسرارك عند من تودعها؟

امى واختى وسمر

6) احد علماء النفس قال ذات مرة : أنه باستطاعة الانسان العيش من دون اصدقاء فما رايك أنت ؟

اه ممكن عندى انا عادى لانى شوفت العجب منهم

7) أين تأخذك ذروة الغضب و كيف تعبر عنه ؟

ممكن اخسر اعز الناس فى غضبى اما التعبير بيكون حسب الموقف

8) ما أجمل شيء حبيته فـي الجروب ؟

الناس اللىفيه قريبين منى اوى حتى لومكنتش اعنى ليهم اى شئ

9) لماذا لم تصبح مشهور؟

معملتش شئ يستاهل الشهره سواء حلو او وحش كمان مش بحبها خالص

10) متى يعاندك النسيان ؟

هههههههههههه لما بكون عندى مشوار مهم الصبح بدرى وبفكر فى حاجه مش مخليانى اعرف انام

11) هل حدث أن انتصرت على نفسك يوما وأحصيت عيوبك ؟

اه بس معرفتش اصلحها واكيد مش كل العيوب عرفتها

12) ما هو انطباعك عن الحب ؟

انقرض من قرن

13) هل انت فعلا تحب من قلبك الأن ؟

لا

14) هل تعتقد انك مقصر فى حق من تحبه ؟

لا

15) متى يقسو قلبك؟

لما اكون حاجه ملهاش اهميه فى حياه ناس هما كل حياتى

16) متى تخجل من نفسك ؟

لما بستهون بكرامتى عشان حد ميستهلش