تم تعطيل حساب ما يقرب من 400 عضو بالمنتدى

اولا ما معنى تعطيل الحساب هو وقف حساب العضو من المنتدى وعدم تمكنة من دخول المنتدى الا فى حالة واحدة فقط هى اعادة تنشيط عضويته مرة اخرى .
ثانيا راعينا فى تعطيل حساب الاعضاء الاتى :-
من مر على عدم دخولة للمنتدى اكثر من 30 يوم ولم يدخل
ولم يضيف اى مساهمه .
لم نحدد اسامى ولم نختار عشوائى لان لوحة ادارة المنتدى هى التى حددت الاعضاء وعلى ضوء التحديد تم وقف حسابهم .
من لم يتمكن من دخول المنتدى واراد ان يواظب معنا عليه فقط التحدث الى احد الاعضاء النشيطين فى المنتدى ونحن نرحب به فى اى وقت .
ارجوا عدم الزعل .
شكرا لكل عضو ساهم معنا واستمر .
وشكرا لكل عضو ساهم معنا وفضل عدم الاستمرار .

ياريت كل اعضاء المنتدى يرجعو زى ما كانو والمنتدى يرجع زى ما كان واحسن

تحيالى للجميع

ياريت ماحدش يكره والله

ليدو متنساش المنشيئن دول مينفعش يتوقفو

وانا من رأيك يا سمر فى ناس معينة ما ينفعش يتوقفو لكن فى ناس سجلو ومبيدخلوش اساسا

الله ينور عليكى يا هبه هو دا الكلام ودا اللى اتنفذ فعلا

طيب تمام كدة يا وليد هو دة الصح

انا شايفه ان المنتدى بعدد اعضائه وان دى خطوه مش ايجابيه

بس فى ناس كتير مسجلة ومش بتدخل ودة حاجة برضوة مش حلوة ومش بتفيد المنتدى بحاجة

برافوا يا هبه انتى كدا فهمتى قصدى

بصى ياسمر انا حجبلك حاجة كوبى عشان تفهمى قصدى اية

الأعضاء الذين تواجدوا في 99 ساعة الماضية. LeDoOo, myro, سحر العيون, قمرايه

انا طبعا مش قصدى ان الباقى كلو يتوقف عضوتة بس فى ناس سجلت ومالهاش ولا مساهمة واحدة فى المنتدى ولو اى حد عاوز يرجع محدش حيقولو لا طبعا اهلا وسهلا بية

زمان المنتدى اول مابدا انا مكنتش بدخلو كتير
ومكنتش فى يوم من الايام اصلا متخيلة انى ممكن بعد كدة اقعد فية بالساعات زى دلوقتى

وكتى تبصى على لوحة الاعضاء اللى دخلو المنتدى فى 99 ساعة الاخيرة تلاقى امة لا اله الا الله

دلوقتى بقى بصى على العدد بقى كام

طبعا لا تعليق