1-لو عينت بأن تختار شخصية 24 ساعة وتعيش بيها من تختار من الشخصيات؟هو لو 24 ساعة بس مش على طول هختار انى اكون وزير التربية والتعليم وطبعا انتو عارفين لييييييييييييييه :(
2- ماذا تفعل اذا انجرحت من شخص عزيز عليك؟حصلتلى كتير جدا وبتعامل مع الموقف اذا كان يستاهل انى اعاتب فبعاتب لكن لو مثلا وصلت للخيانة فصعب طبعا انى اعاتب ولا ايه
3- مارأيك ف حب النت وبكل صراحة؟بصو انا مش هتكلم كتير ف الموضوع ده لانى بحب من ع النت وربى شاهد على كل كلمة بكتبها انا قبل مااحب الانسانة اللى هى دودى من النت انا كنت رافض ارتباط النت ده تماما واى حد كان بيكلمنى ف الموضوع ده انا كنت بقوله ازاى قلبك هيحس بواحدة معرفتك بيها نت وشات وكده بس اقسم بالله انا معرفش ازاى بقيت بحب ومش بحب وبس بحب بجنون ولو انا مش متأكد انى هرتبط بيها ف المستقبل ان شاء الله مكنتش حبيتها من الاول لانى مش من النوع اللى بيتسلى بالبنات وخلاص ومهما الناس قالو حب النت غلط ومينفعش بس عفوا هذا قلبى ومش هسيبها لاخر يوم ف عمررررررررى
4- ايه اللى نفسك تحققه ف المستقبل؟نفسى اعمل حاجات كتير قوى اولا نفسى انى ارتبط بالانسانة اللى بحبها لانى بجد لو مش ارتبط بيها مش هرتبط بحد لحد مااموت ونفسى حال الامة العربية ينصلح وتتحرر كل البلاد المستعمرة ونفسى احقق حلمى واتخرج واكون مهندس كمبيوتر ان شاء الله ونفسى اخلف ولاد وبنات من الانسانة اللى بحبها واربيهم تربية سليمة على منهج الاسلام ونفسى لو فى نصيب اكون شاعر كبير واكتب لمغنيين بس ده صعب لان كل حاجة ماشية بالكوسة
5- ماذا تفعل عندما تحزن هل تبكى ام تكتم احزانك بداخلك؟بصو انا دموعى قريبة منى اووووووووووى لكن مش مع اى موقف الموقف اللى يستاهل انى ابكه عشانه زى نشرة الاخبار واللى بيجيبوه ع اللى بيحصل ف فلسطين ووقت منظر موت محمد الدرة بكيت جامد جدا وبالنسبة لو حزنت من اصدقائى او حبيبتى فانا ببكى بحرقة لان دول اقرب ناس ليا بس مش ببين لاى حد انى انا ببكى خالص
6- لو قولتلك تقول كلمة ل 5 اشخاص ف المنتدى تقولهم لمين وهتقولهم ايه؟انا عارف ان الكل بيدعى عليا عشان قولت 5 اشخاص لان ال200عضواللى ف المنتدى كلهم يستاهلو الكلام عليهم لانهم كلهم ممتازين ومتفوقين جدا بس انا بقى هذكر براحتى مش 5 بس
1- المغامر: مش عارف اقول عنه ايه لانه بجد اكتر من اخ وصديق وصاحب وانا اتشرفت بمقابلته وبجد انسان طيب ومحترم وجميل بقوله ربنا يوفقك يااغلى الاصحاب
2-شريف(شيفو): كل كلامى على المغامر هو نفسى كلامى على شريف لان الاتنين معزتهم عندى واحدة ربنا يخليهم يارب
3-دودى ميدو: انا مش هقول حاجة لان مهما قولت كلامى مش هيقدر يوصف انا بحبك قد ايه بس هقولك انى مش هرتبط ببنى ادمة ف الدنيا الا انتى ومش هسيبك لاخر يوم ف حياتى
4-رانيا التونسى: دى بقى عايزة توبك لوحدها فعلا اعز اخت قابلتها ف حياتى وفنانة كبيرة وشاعرة متميزة ومحترمة مووووووت ربنا يوفقك يارب يارانيا
5-محمد الرامى: اختلفت معاه كتير وزعلنا مع بعض كتير لكن بطيبة قلبه بيسامح بسرعة ومهما بنزعل مع بعض اخويا الكبير اللى اتشرفت بمعرفته ومن اقدم الناس اللى اعرفهم وبجد انسان محترم اوى ربنا يوفقك ياقمر يارب
6-وليد(ليدو): يمكن وليد انا مش اعرفه من فترة كبيرة ويمكن كمان مش بتكلم معاه كتير بس صدقونى انسان طيب ومحترم قوى وانا اتشرفت بمعرفته ربنا يوفقك ياليدووووووو
7-يويو: زى وليد يمكن معرفهاش غير من حوالى شهر ونص بس انسانة طيبة ومحترمة وتوبكاتها بتعجبنى مووووووت ربنا يوفقك يااعز اخت كبيرة
8-هبة: اعرفها من زمان من الاجازة الكبيرة اللى فاتت بس مكنتش بكلمها ولا اعرفها غير سلام عليكم عليكم السلام وبجد اتشرفت بمعرفتها لانها من اكتر الناس احتراما اللى قابلتهم ف حياتى ربنا يوفقك ياهبة
9-بوسى وملك: انا جيبت الاتنين لان بوسى وملك اكتر اتنين ف المنتدى بستمتع وانا بقرأ توبكاتهم بجد احلى توبكات ربنا يوفقكو يارب ياقمرات
10-ابوعيسى: بجد ياابو عيسى انت من اكتر الناس اللى بحبهم واعزهم وبحب نصائحهم قوى وتوبكات فوق فوق فوق الروعة ربنا يوفقك ياجميل
11- سارة(شاربة بيبسى ومدلعة نفسى): اختى الكبيرة مش الكبيرة اوى يعنى ههههههههه لا بجد شخصية طيبة وجميلة وضحت معاها هى وابو عيسى ف توبك الصور بتاع القرود ده من قلبى والله ربنا يوفقك يااغلى اخت
12- الشاعر(بطة): اكتر واحد من يوم مااتولدت ضحكنى ربنا يوفقك ياشاااااااعر
13-محمد(كان بينا حب): ده بقى اخويا الكبير اقدم واحد عرفته من وادى العرب وهو السبب فى انى اكون متواجد معاكم ليه عايزين تعرفو ليه: ف يوم انا كنت ف روم اسمها احلى دنيا طبعا اللى بيدخلو كام فروج يعرفوها المهم جالى انفيت منه لوادى العرب كانت مسابقة اعتقد انها على كارت شحن انا روحت ومن اليوم ده والروم عجبتنى وعرفت كل اصحابى بتوع وادى العرب ولو مكنتش قبلت الانفيت مكنتش دخلت المنتدى ولا عرفت ناس زى العسل كده زيكو
14-بنت الراعى: اختى الكبيرة اللى بحب توبكاتها وبحترمها جدا ربنا يوفقك يارب
15-ريرى موون: برغم انها بعيدة ومش بتدخل المنتدى بس لازم اذكرها لانها اختى الكبيرة اللى بلجألها لو انا ف مشلكة ربنا يوفقك يارب يارانيا
16-امانى: اختى الصغيرة اللى غايبة علشان مذاكرتها وان شاء الله ترجعلنا بالسلامة وترجع وهى متفوقة باذن الله ربنا يوفقك ياامانى
17- حسن: واخيرا وليس اخرا حسن المتميز ف كل حاجة ف توبكاته واخلاقه وادبه واحترامه للناس ربنا يوفقك يارب
عارف انها غلطتى ان قولت 5 بس بس اعذرونى انا جوايا لكل واحد فيكم توبك لوحده احكى فيه انا بحب كل واحد وواحدة فيكم قد ايه
7- بمناسبة قرب عيد الام كلمة لست الحبايب؟بقول لست الكل واعظم شىء فى عمرى انا بحبك اوى ياامى ويارب يخليكى ليا وبمناسبة شعر الام والدتى فرحت اوى لما قرأته وبقولها دى اقل حاجة اقولها ليكى ومش معقول اقعد اكتب ف حب وغرام وانسى امى
8- مارأيك فى السياسة بمصر؟مش هقول غير ان كل حاجة دلوقتى ماشية بالكوووووووووسة
9- هل تحضر زفاف حبيبتك او زفاف حبيبك؟بصو ياجماعة انا واحد صاحبى دلوقتى ف الموقف ده واللى عزمه على الخطوبة هو والد حبيبته وحبيبته بقت ف امر واقع مش عارفة ترضى اهلها ولا ترضى حبيبها وحبيبها اللى هو صاحبى لسه سنه 16 ونص يعنى صعب يتقدم دلوقتى مع العلم ان حبيبته اكبر منه بسنة ونص 18 بس الاتنين بيحبو بعض جدا وهو هيروح وانا مش عارف هيجيله الصبر ازاى يشوف حبيبته قدامه قاعدة مع حد غيره شىء مؤلم جدا وانا كتبت عن قصة صاحبى دى شعر اسمه اخر يوم هحطه ف وادى الاشعار ويارب يعجبكم
10- من تحب :.1- افضل مغنى: محمد فؤاد- عمرو دياب - هيثم شاكر - مصطفى كامل
2- افضل ممثل: كريم عبد العزيز- احمد السقا- احمد حلمى- هنيدى- محمد سعد
3- افضل مغنية: شيرين- اليسا- اصالة - جنات
4- افضل ممثلة: منى زكى- ياسمين عبد العزيز- غادة عادل- نور
5- افضل نادى محليا وعالميا: محليا فطبعا الاهلـــــــــى وعالميا بعشق برشلونة
6- افضل لاعب كرة محليا وعالميا: محليا فمحمد ابو تريكة ومحمد زيدان وعمرو زكى وبركات وعالميا فزين الدين زيدان ورونالدينهو وكريستيانو رونالدو وروبينهو وميسى
7- افضل اكلة: بموت ف حاجة اسمها المكرونة بشاميل وبحب المحشى جدا بكل انواعه وارز بسمتى وبحب الحلويات موووووت من الاخر راجل اكيل بس مش تخين خاااااالص
8-افضل عضو وعضوة: واخيرا كل الاعضاء هما مميزين لكن لو من خلال التوبكات فهتبقى احسن عضوة هما 3
1- رانيا التونسى 2- ملك 3- بوسى
واحسن عضو بالنسبة ايضا للتوبكات
1- حسن 2- ابو عيسى 3- الشاعر توبكاته المضحكة اوى
واخيرا خير الكلام ماقل ودل ههههههههههههههههههههههههههه عارف انى رغاى وطولت عليكم قوى بس هوا انا كده مبعرفش افبرك لازم اقول كل اللى جوايا يارب يكون ردى عجبكم وياريت لو حد نسيته او مذكرتوش ياريت يسامحنى لان الحب ف القلب مش ف الكلام ولو ذاكرتى نسيت حد فقلبى مش بينسى اى حد فيكم يااعز اخوات قابلتهم ف حياتى 
ميدو الشاعر 
.. هو كيلو الكوسة بقى بكام دلوقتى ...!!!!
ما شاء الله على الردود بجد نايس ردود ونايس توبك فعلا انا بقالى فتره مش دخلت المنتدى ولا كتبت اى جديد فيه لكن فعلا كل اللى قرى موضوعك ميدو رد عليه باتقان وبجد جميع الردود عجبتنى ويا رب الاقى انا كمان الاعجاب فى ردى 1- لو عينت بأن تختار شخصية 24 ساعة وتعيش بيها من تختار من 
كيف تحمي منتداك من الهكر
