انا النهارده جايبالكوا حاجه انا كتبتها كده وانا قاعده هى فيها نوع من التريقه على شوية فكاهه يااااااااااااارب تعجبكوا
جرس التيفون رن
بعد السلامات والحركات.........
A:مروة مش أخدت انهاردة العلاوة الاجتماعية
B:طيب هايل مبروك يا حبيبي.
A:هههههه طيب مش تسأليني كام؟!
B: كام ياتري؟؟
38 جنيه
.
B: طيب وزعلان ليه ده مبلغ هايل ربنا يخليلنا الريس كتر خيره والله
كده بقي ممكن نفتح شوية في الفرح ونزود البوفيه يلا خلي الناس تاكل وتنبسط !
A:ههههههه اه كده كمان هعرف أظبط العربية بدل ما كنت مأجل شوية عشان مصاريف الجواز ...
B:لا خلاص بقي دي فرجت وهنجيب كل الحاجات اللي ناقصانا.
A:يااااه كده نجيب الشقة بقي بدل الشقة البعيدة دي..
B: آه ونسافر نقضي شهر العسل بره...
A: لا لا خلينا هنا في بلدنا أهو نشجع السياحة الداخليه ماهو مش عشان ربنا فتحها علينا نطلع بره..
B: طيب وياريت كمان بقي تحطلي قرشين في البنك باسمي أهو برضه ينفعوني !
A: لااااا ايه الطمع ده شكل الفلوس هتغيرك
B: لاااا.... ولا كل علاوات الدنيا تغيرني يا حبيبي.
A: أه نسينا حاجة مهمة.
B:ايه؟؟
A: نتبرع بجزء للغلابة !
B: اه طبعا وماله لازم برضة نحس بالناس مش عشان خلاص بقى معانا فلوس !
A:طيب ماشي يلا بقي ننزل نجيب كل حاجة سجاد وستائر وباقي الاجهزة..الخ
B:اوكي واهو بالمرة نعدي ندفع باقي فلوس العفش
طيب طيب وتعزمني على العشا وندخل سينما.
A:اه صحيح انتي نسيتي اننا لاسه بنجهز الشقة دهانات وسيراميك وحركات .
B: لا لا انت كده قديم قوي شوف احنا نروح لأكبر شركة ديكور وهما يتولوا الأمر..احنا هنوجع دماغنا ليه نديهم قرشين ونستلم الشقة جاهزة في الاخر.
A: أه أريح برضه.
بصراحة يا جماعة احنا مش عارفين نجيب بيهم إيه ولا إيه وبصراحة ده وجع دماغ محدش محتاج 38 جنية سلف ويريحنا !!
عندهم حق بصراحه ده مبلغ وقدره مش عارفين يعملوا بيه ايه حد ياخدهم ويريحهم بقى اووووف تعبونى اووى والله ..............
كيف تحمي منتداك من الهكر
